Сыл аайы ыытыллар үгэскэ кубулуйбут Саҥа дьыллааҕы салют уонна бырааһынньыктааҕы тэрээһиннэр Мииринэйгэ эрэ буолбакка, Саха Өрөспүүбүлүкэтин үрдүнэн ыытыллыбаттар. Санаттахха, былырыын СӨ Ил Дархана Айсен Николаев дойдуга буола турар уустук кэминэн Саҥа дьыллааҕы уоттаах-күөстээх тэрээһиннэртэн туттунарга Уураах таһаарбыта.
Итини таһынан, быйыл СӨ Ил Дарханын уонна Бырабыыталыстыбатын дьаһалтатыгар Саҥа дьыллааҕы корпоративтары ыытыахтара суоҕа уонна олохтоох салайыныы уорганнарыгар, оҕолорго туһуланар тэрээһиннэртэн ураты, Саҥа дьыллааҕы корпоратив бырааһынньыктарыттан туттуналларыгар ыҥырдылар. Саха Сирин сорох муниципалитеттарыгар бырааһынньыктааҕы салюттан аккаастаналларын туһунан номнуо иһитиннэрдилэр. Бу туһунан СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов иһитиннэрдэ.
-
0
-
0
-
0
-
0
-
0
-
0
