Бу аахсыйаҕа кыттыһан, тыа хаһаайыстыбатын уонна ас-үөл бэлиитикэтин миниистирэ Артем Александров уонна кини солбуйааччылара Николай Афанасьев, Прокопий Николаев Дьокуускай куорат 4 №-дээх, 22 №-дээх коррекционнай оскуолаларын үөрэнээччилэригэр бэлэх оҥордулар.
– Биһиги бэлэхпит оҕолорго үөрүүнү эрэ аҕаллын, кэрэ өйдөбүл буолан хааллын. АПК тэрилтэлэрин бу бачыымы өйүүллэригэр ыҥырбын, – диэтэ Артем Александров.
«Үтүө санаа харыйата» аахсыйа 2015 сылтан тэриллэр. Быйыл аахсыйа сэтинньи 20 күнүттэн ахсынньы 29 күнүгэр диэри ыытыллар. Онно ким баҕалаах кыттар, оҕо аата суруллубут аккырыыккатын ылан баран, Саҥа дьыллааҕы бэлэҕи оҥорор диэн иһитиннэрэр Тыа хаһаайыстыбатын уонна ас-үөл бэлиитикэтин министиэристибэтин пресс-сулууспата.
- 0
- 0
- 1
- 0
- 0
- 0