Ил Түмэн наукаҕа уонна үөрэхтээһиҥҥэ сис кэмитиэтин бэрэссэдээтэлэ Антонина Григорьева Саха Өрөспүүбүлүкэтигэр Арассыыйа Федерациятын наукаҕа уонна технологияҕа уон сылын иккис сылын түмүгүн таһаарар мунньахха кыттыыны ылла. Мунньаҕы наука уонна үөрэх миниистирин бастакы солбуйааччы Михаил Присяжнай салайан ыытта.
– Бу саалаҕа элбэх билэр дьоммун көрөбүн. Эһиэхэ, эһиги кэллиэгэлэргитигэр Саха сирин науката тирэҕирэр. Өрөспүүбүлүкэ уонна бүтүн дойду научнай кыаҕын түмүүттэн Арассыыйа кыайыыта тутулуктаах. Салаллан кэлбит саҥа сыл, Арассыыйаҕа Дьиэ кэргэн, Саха сиригэр оҕо сыллара, өйөбүл уонна өйдөһүү эҥээрдэннин. Дьиэ кэргэн уопсастыба үөскэҕэ буоларын таһынан, биһиги халыҥ хаххабыт, дойдуга куттал суох буолуутун тирэҕэ. Хас биирдии ыалга, дьиэ кэргэҥҥэ таптал, дьол уйаланнын! Барытытыгар саҥа арыйыылары, или-эйэни, чэгиэн-чэбдик доруобуйаны, дьолу-соргуну баҕарабын! – диэтэ Антонина Григорьева.
Михаил Присяжнай наука уонна үөрэхтээһин эйгэтигэрүтүө суобастаах үлэтин иһин норуот дьокутаатыгар махталын биллэрдэ. «Саха Өрөспүүбүлүкэтигэр идэтийбит үөрэхтээһини сайыннарыыга кылаатын иһин» бэлиэни туттарда диэн Ил Түмэн пресс-сулууспата иһитиннэрэр.
-
1
-
0
-
0
-
0
-
0
-
0
