Бу иннинэ эдэр ыаллары дьиэлээһин бырагырааматынан бэриллэр үбүнэн-харчынан эконом кылаастаах эрэ дьиэни-уоту ылар көҥүллэнэрэ. Билигин судаарыстыба өйөбүлүн тупсаҕай кылаастааҕы ыларга эбэтэр ипотека бырыһыанын аччатарга туһаныахха сөп буолла.
Бу этиллибит бырагыраамаҕа 35-гэр диэри саастаах оҕолоох эбэтэр оҕото суох эдэр ыаллар кыттар бырааптаахтар. Оҕолоохторго дьиэ-уот уопсай сыанатыттан 35 %-нын судаарыстыба уйунар. Оттон оҕото суохтарга – 30 %-нын. Үксүгэр маннык өйөбүлгэ элбэх оҕолоох эдэр ыаллары тиксиһиннэрэллэр. Бырагыраама билиҥҥитэ Арассыыйа 83 субъегар үлэлиир.
Быйыл судаарыстыба субу өйөбүлүгэр 15 тыһыынча эдэр ыал тиксиэхтээх. Бырагыраама олоххо киирэригэр бүддьүөттэн 5 млрд солк көрүллүбүт.
-
0
-
0
-
0
-
0
-
0
-
0
