Сүрүн анабыла
«Ситим» медиа бөлөх, «Кыым» хаһыат, Ф.П. Егорова аймахтара, уопсастыбаннас саха тылынан суруйар суруналыыстар ортолоругар Ф.П. Егорова сүрүннээн суруйбут үөрэх, култуура сайдыытын тиэмэтигэр харчынан бириэмийэлээх аһаҕас куонкуруһу биллэрэр. Куонкуруска ким баҕарар, сахалыы суруйар, бэчээттэммит үлэлэрдээх суруналыыстар ханна үлэлииллэрииттэн тутулуга суох кытталлар.
Cоруга
-- Ф.П. Егорова аатын үйэтитии;
-- саха тылын айар кутун, баайын, кэрэтин туттуллар эйгэтин кэҥэтии;
-- сахалыы суруйар суруналыыстар иитэр-үөрэтэр суолталаах, нэһилиэнньэни чөл олоххо, айымньылаах үлэҕэ көҕүлүүр суруйууларын, норуот сытыы кыһалҕаларын хорсуннук арыйалларын, туруорсалларын өйөөһүн.
Үлэлэргэ ирдэбил
-- куонкуруска 2023 сыл от ыйын 1 күнүттэн 2024 сыл бэс ыйын 20 күнүгэр диэри өрөспүүбүлүкэ, улуус, нэһилиэк бэчээтигэр, интэриниэт ситимигэр үөрэх, култуура тиэмэлэригэр сахалыы тахсыбыт үлэлэр кытталлар.
-- үлэлэри туттарарга инники лиискэ кыттааччы бэйэтин туһунан кылгас билиһиннэрии баар буолуохтаах. Куонкурус үлэлэрэ: хаһыат, сурунаал балаһалара (куоппуйалара), интэриниэккэ тахсыбыт үлэлэр скриншоттар угуллаллар.
4. Үлэни тутуу болдьоҕо
Куонкуруска ыытыллар үлэлэр 2024 сыл бэс ыйын 24 күнүгэр диэри тутуллаллар.
Үлэлэри маннык аадырыска туттарыллар: 677027, Дьокуускай к., Киров аатынан уул., 18, В блок, 708 каб., «Кыым» хаһыат эрэдээксийэтэ, тел: 42-21-08, 8-914-261-91-20. Электроннай почтанан «Ф.П. Егорова куонкуруһугар» диэн бэлиэтээн, «Кыым» хаһыат эрэдээксийэтигэр ыытыахха сөп: Адрес электронной почты защищен от спам-ботов. Для просмотра адреса в вашем браузере должен быть включен Javascript..
5. Түмүгү таһаарыы
Кыайыылаахтары анал дьүүллүүр сүбэ быһаарар. Түмүк 2024 сыл бэс ыйын 28 күнүгэр диэри тахсар. Дьүүллүүр сүбэ I, II, III миэстэлэри быһаарар. Кыайыылаах харчынан бириэмийэнэн, дипломунан наҕараадаланар. II, III миэстэни ылбыттар дипломнарынан, биһирэбил бириистэринэн наҕараадаланыахтара. Саха суруналыыстыкатын сайдарыгар баҕалаахтар анал бириистэри олохтуохтарын сөп.
Наҕараадалар 2024 сыл от ыйын 1 күнүгэр, Саха бэчээтин төрүттэммит күнүгэр, туттарыллаллар.
-
1
-
0
-
0
-
0
-
1
-
0
