Уопсастыба

«Ил Түмэн» издательскай дьиэ «Кыайыыга кынаттыыр ырыалар» ырыа күрэҕэ

Балаһыанньата

Уопсай балаһыанньа

1.1. «Кыайыыга кынаттаабыт ырыалар» ырыа күрэҕин ыытар, бэрээдэгин чопчулуур  балаһыанньа (салгыы Күрэх).

1.2. Ырыа күрэҕин тэрийээччи: «Ил Түмэн» издательскай дьиэ.

1.3. Дьиҥнээх балаһыанньа күрэх хайдах ыытылларын, кыттааччыларга туох ирдэбил баарын, кыайыылааҕы хайдах талары чуолкайдыыр уонна күрэх тэрээһинэ бүтүөр диэри үлэлиир.

Күрэх сыала-соруга

2.1.        Күрэх сыала: Улуу Кыайыы 80 сылыгар анаан Кыайыыга кынаттаабыт ырыалары киэҥ эйгэҕэ тарҕатыы, эдэр көлүөнэҕэ дойдуга бэриниилээх буолуу тыынын иитии.

2.2.        Күрэх соруга:

– күрэххэ идэтийбэтэх ырыаһыттар (толорооччулар) кытталлар, кинилэр байыаннай таҥаһы кэтэн туран Аҕа дойду Улуу сэриитигэр, итиэннэ Кыайыыга аналлаах ырыаны толороллор, ону видеоҕа устан эрэдээксийэҕэ ыыталлар. Күрэххэ биир киһи биир ырыаны толорор.

– видеоролик «Сахапарламент.ру» https://sakhaparliament.ru/ саайтка тахсар, көрөөччүлэр, истээччилэр сөбүлээбит толорооччуларын иһин куоластыыллар;

– куонкуруска кыайбыт дьону жюри талар, оттон онлайн-куоластааһын түмүгүнэн “Көрөөччүлэр биһирэбиллэрэ» быһаарыллар.

 Күрэҕи ыытыы болдьоҕо

3.1.        Ырыа күрэҕэр сайаапкалары тутуу 2025 с. кулун тутар 1 күнүттэн муус устар 20 күнүгэр диэри  ыытыллар.

3.2. Көрөөччү биһирэбилигэр онлайн-куоластааһын  2025 с. муус устар 23-27 күннэригэр ыытыллар.

3.3.        Ырыа күрэҕин түмүгүн жюри таһаарар.

Күрэх түһүмэхтэрэ

4.1.        Күрэх маннык түһүмэхтэринэн ыытыллар:

• Улахан дьоҥҥо байыаннай ырыаны бастыҥ толорооччу;

• Оҕолорго байыаннай ырыаны бастыҥ толорооччу;

• Кэлэктииптэргэ (хорга) байыаннай ырыаны улахан дьоҥҥо бастыҥ толорооччу;

• Кэлэктииптэргэ (хорга) байыаннай ырыаны оҕолорго бастыҥ толорооччу;

• Ону тэҥэ саайтка куоластааһын түмүгүнэн «Көрөөччүлэр биһирэбиллэрэ» анал бириис туттарыллар.

 Күрэххэ кыттыы усулуобуйата

5.1.        Күрэххэ Саха Сирин олохтоохторо, идэтийбэтэх ырыаһыт (толорооччу) улахан дьон уонна оҕолор кытталлар.

5.2.        Күрэххэ кыттарга видеоролик бэлэмниэххэ наада:

- Аҕа дойду сэриитигэр уонна Кыайыыга аналлаах ырыалартан талан ылан биир киһи биир ырыаны толорор;

- Кыттааччы таҥаһа байыаннай буолуохтаах;

- видеоролигы «Сахапарламент.ру» https://sakhaparliament.ru/ саайтка таһаарабыт. 

5.3 Күрэххэ кыттааччы көрөөччү элбэх куолаһын ыларын туһугар саайтка тахсыбыт видеоролигы сыылкалаан баран социальнай ситимнэринэн куоластыырга аймахтарыгар-доҕотторугар ыытыахтарын сөп.

5.4. Күрэххэ сайаапкалары ылыы  2025 с. муус устар 20 күнүгэр, көрөөччүлэр биһирэбиллэригэр онлайн-куоластааһын муус устар 27 күнүгэр түмүктэнэр.

5.5. Хас биирдии видеороликка, күрэххэ киирбит үлэҕэ толорооччу толору аатын-суолун, араспаанньатын, ырыатын аатын, ааптардарын толору ыйан туран кылгас ыспыраапка толоруллар, онно кини ханна үөрэнэрэ/үлэлиирэ, сааһа, суотабай төлөпүөнэ ыйыллар.

5.6.  Видероликка тиэхиньиичэскэй ирдэбил:

– Видео 4К үчүгэй хаачыстыбалаах буолуохтаах, каадыр хамсыа, быстыа суохтаах.

Күрэҕи тэрийии бэрээдэгэ

6.1. Ырыа күрэҕин ыытарга Тэрийэр кэмитиэт уонна Жюри  тэриллэр.

6.2. Тэрийэр кэмитиэт састаабыгар «Ил Түмэн» издательскай дьиэ үлэһиттэрэ киирэллэр.

6.3. Күрэххэ киирэр үлэлэри (видеороликтары) Тэрийэр кэмитиэккэ 2025 с. кулун тутар 1 күнүттэн муус устар 20 күнүгэр диэри Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай буостаҕа ыытаҕыт.

6.4. Ырыа күрэҕин балаһыанньатын 6.3. пуунугар ыйыллыбыт болдьохтон хойутаабыт үлэлэри жюри көрбөт уонна күрэххэ киллэрбэт. 

6.5. Күрэххэ киирбит үлэлэр (видеороликтары) төннөрүллүбэттэр уонна рецензияламматтар.

7. Күрэх кыайыылаахтарын быһаарыы бэрээдэгэ уонна наҕараадалааһын.

7.1. Күрэххэ киирбит үлэлэр (видеороликтар) маннык ирдэбилгэ эппиэттиир буолуохтаахтар:

– үлэ (видеоролик) ыйыллыбыт тиэмэҕэ, күрэх сыалыгар-соругар сөп түбэһэр буолуохтаах;

– толорооччу ырыа ис хоһоонун сатаан арыйыахтаах;

– күрэххэ кыттааччы артыыстаан, сэргэхтик, уратытык, сонуннук видеоролигын оҥороро биһирэнэр;

7.2. Кыттааччылар үлэлэрин Жюри ырыа күрэҕин балаһыанньатын 7.1. пуунугар ыйыллыбыт ирдэбиллэргэ төһө сөп түбэһэрин көрөр. Жюри боротокуол толорор, онно кыттааччылар хас куолаһы ылбыттара ыйыллар, боротокуолга Жюри председателэ илии баттыыр.

7.3.  Жюри күрэххэ киирбит үлэлэр ырыа күрэҕин балаһыанньатыгар сөп түбэспэт түгэннэригэр ыытыллыбыт үлэни көрөртөн аккаастаныан сөп.

7.4.  Күрэх түмүгүн Жюри киирбит үлэлэри сыаналаабытын, сүбэ мунньаҕы ыыппытын кэнниттэн биирдэ таһаарар.

7.5. Күрэх түмүгүнэн 4.1. пууҥҥа ыйыллыбыт түһүмэхтэринэн кыайыылаахтар бириистээх миэстэҕэ тиксэллэр.

7.7. Күрэх кыайыылаахтара дипломунан уонна өйдөбүнньүк бэлэҕинэн наҕараадаланаллар.

7.6. Тэрийэр кэмитиэт күрэххэ киирбит видеороликтары «Ил Түмэн» издательскай дьиэ тэрээһиннэригэр туттуон сөп.

7.8. Видеороликтар аһаҕас онлайн-куоластааһыҥҥа кыттыахтара.

Күрэххэ киирбит үлэлэри туттуу

8.1. Ырыа күрэҕин кыттааччыларын үлэлэрин маннык түгэҥҥэ туттуохха сөп:

– федеральнай уонна региональнай СМИ-га таһаарарга, (тэлэбиидиэнньэҕэ, периодическай бэчээккэ, куйаар ситимигэр);

– «Ил Түмэн» издательскай дьиэ официальнай саайтыгар https://sakhaparliament.ru/ уонна социальнай ситим страницаларыгар. 

8.2. Күрэххэ киирбит ырыаҕа ааптар бырааба күрэх тэрийээччилэригэр бэриллэр.

Атын усулуобуйа

9.1. Ырыа күрэҕэр кыттааччы бу балаһыанньаҕа сигэнэн күрэххэ кытыннаҕына, күрэх усулуобуйатын, бэрээдэгин кытта сөбүлэһэрин туоһулуур.

Тэрийээччи аадырыһа

10. Ырыа күрэҕин ыытарга эппиэтинэстээх сирэй: «Ил Түмэн» издательскай дьиэ толору аадырыһа: Дьокуускай куорат, Киров уулуссатын 18 №-дээх дьиэтэ, «Бизнес-центр», «В» блок, 706 офис. Телефон: 8 (411-2) 40-22-08, e-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.

Хаартыска: Василий Кононов