Ону таһынан тыа хаһаайыстыбатыгар аналлаах сири биитэр оннук сир кэрискэтигэр киирэр сир учаастагын атын категорияҕа көһөрүү маннык түбэлтэлэргэ көҥүллэммэт: 1. Өскөтүн бу сир биитэр сир учаастага ураты сыаналанар быйаҥнаах тыа хаһаайыстыбатыгар аналлаах сир кэрискэтигэр киллэриллибит буоллаҕына. 2. Тыа хаһаайыстыбатыгар аналлаах сиртэн сири биитэр сир учаастагын уопсай тарҕаммыт туһалаах баайы хостуур сыалга ылар буоллахха.
Бу сокуон 2026 сыл кулун тутар 1 күнүттэн олоххо киллэриллэр, сорох ыстатыйалара 2027 сыл тохсунньу 1 күнүттэн киирэллэр. Федеральнай сокуон толору тиэкиһин Быраап аакталарын официальнайдык таһаарар портаалга билсиэххэ сөп диэн Саха Өрөспүүбүлүкэтин Баайга-дуолга уонна сиргэ сыһыаннаһыы министиэристибэтин саайта суруйар.
-
0
-
0
-
0
-
0
-
0
-
0
