Быйылгы сыл саҕаланыаҕыттан Судаарыстыбаннай Дуума аграрнай боппуруостарга кэмитиэтигэр барыта 19 сокуон барылыгар үлэ ыытыллыбыт, олортон Госдуума сааскы сиэссийэтигэр 12 федеральнай сокуон барыла көрүллэн, ылыллыбыт. Бу АПК салааларын сайыннарыыга уонна дойду ас-үөл өттүнэн тутулуга суох буолуутун хааччыйыыга тирэх буолар сокуоннары ылыныыга Кэмитиэт уонна Тыа хаһаайыстыбатын министиэристибэтин көдьүүстээхтик үлэлииллэрин көрдөрөр.
Көрсүһүүнү түмүктүүрүгэр Владимир Кашин Госдуума аграрнай боппуруостарга кэмитиэтин «бартыбыалыгар» баар тыа хаһаайыстыбатын сайыннарыыга туһуламмыт сокуоннар көҕүлээһиннэрин наһаа уһаппакка-кэҥэппэккэ ылынарга Судаарыстыбаннай Дууманы, Бырабыыталыстыбаны уонна Бэрэсидьиэн дьаһалтатын кытары тэтимнээхтик үлэлиир эрэйиллэрин бэлиэтээтэ. Билигин Кэмитиэккэ 43 сокуон барыла баарыттан 10 сокуон барыла күһүҥҥү сиэссийэҕэ киллэриллэрэ былааннанарын иһитиннэрдэ. Бу сокуон барыллара тыа хаһаайыстыбатын араас хайысхаларыгар, ол иһигэр, социальнай суолталаах аһылык табаардарыгар, тыа хаһаайыстыбатыгар аналлаах сирдэргэ, балыктааһыҥҥа, хаһаайыннааһын дьоҕус киэптэригэр, племенной үлэҕэ, ырыынакка уо.д.а. сыһыаннаахтар диэн Судаарыстыбаннай Дуума саайта суруйар.
Хаартыска: Судаарыстыбаннай Дуума саайтыттан.
-
0
-
0
-
0
-
0
-
0
-
0
