Эһиги үлэҕит-хамнаскыт биһиги өрөспүүбүлүкэбит сайдыытын тирэҕэ, тупсаҕай олорор усулуобуйаны тэрийиигэ мэктиэтэ буолар. Эһиги маастарыстыбаҕыт, үтүө суобастаах, сыралаах үлэҕит түмүгэр, дьоһун бырайыактар олоххо киирэллэр, биһиги куораттарбыт, сэлиэнньэлэрбит чэчирии сайдаллар, нэһилиэнньэҕэ тупсаҕай олорор усулуобуйаны хааччыйар эбийиэктэр тутуллаллар.
Эһиги үлэҕит үрдүк эппиэтинэһи, тулууру уонна идэтийиини ирдиир, тоҕо диэтэххэ, саҥа эбиийэктэр тутуулара тиэхиньиичэскэй билиини-көрүүнү, сатабылы таһынан, улахан дьулууру эрэйэр үлэ буолар.
Эһиги аныгы ирдэбилгэ сөп түбэһэр олорор комплекстары, социальнай эбийиэктэри уонна суолу-ииһи тутар, инженернэй ситимнэри оҥорор ыарахан үлэҕитигэр ситиһиилэри баҕарабын. Чэгиэн-чэбдик доруобуйаны, уҕараабат уоҕу, саҥа ситиһиилэри уонна туруктаах олоҕу-дьаһаҕы баҕарабын. Сыралах үлэҕит мэлдьитин сиэрдээхтик сыаналаннын, хас биирдии эбийиэккит биһиги тапталлаах өрөспүүбүлүкэбит сайдыытыгар кылаатын киллэрдин. Бырааһынньыгынан!
Ытыктабылы кытары Александр Корякин, Ил Түмэн тутууга, олох-дьаһах хомунаалынай хаһаайыстыбатыгар уонна энергетикаҕа сис кэмитиэтин бэрэссэдээтэлэ
-
0
-
0
-
0
-
0
-
0
-
0
