Атырдьах ыйын 29 күнүнээҕи туругунан, «Авиалесоохрана» судаарыстыба бүддьүөтүн тэрилтэтин парашютно-десантнай баһаарынай сулууспа байыастара уот турбут сирдэригэр 103 төгүл быраҕыллыбыттара. Кинилэр кыттыыларынан барыта 57 651,1 гектар сири, ол иһигэр, 36 579,3 гектар тыаны хаппыт баһаар умуруорулунна.
Баһаар араас зоналарынан умуруорулунна. Ол курдук, баай хара тыаны салгынтан араҥаччылыыр авиабаһаарынньыктар күүстэринэн 18 965,1 гектар сири, ол иһигэр, 10 460,8 гектар тыаны хаппыт 63 баһаар бохсулунна. Хонтуруол зонатыгар 38 273 гектар сири, ол иһигэр, 25 715,5 гектар ойууру хаппыт 21 баһаар, сиринэн кэтээн көрүү зонатыгар 413 гектары, ол иһигэр, 403 гекар тыаны хаппыт, биэс баһаар умуруорулунна. Бу туһунан Экология, айылҕаны туһаныы уонна ойуур хаһаайыстыбатын министиэристибэтэ иһитиннэрэр.
Хаартыска: Экология, айылҕаны туһаныы уонна ойуур хаһаайыстыбатын министиэристибэтин саайтыттан.
-
0
-
0
-
0
-
0
-
0
-
0
