Анал сөмөлүөт Быһааччылар сулууспаларын сайаапкатынан, Томпо уонна Таатта улуустаргар бэлиэтэммит ойуур баһаара тарҕаныытын бохсор сыалтан, Уус Маайа уонна Амма улуустарыгар ардахтатыыны оҥордо.
Зондировщик сөмөлүөккэ Киин аэрологическай обсерватория исписэлиистэрэ радиолокационнай мониторины оҥороннор, былыт маассатыгар дьайыыны сүрүннээтилэр. Кинилэр Уус Маайа уонна Амма улуустарын сирдэригэр сөптөөх былыттар ханан баалларын быһаарбыттарын кэнниттэн, ардах искусственнайдык түһэрилиннэ.
Атмосфера» Ан-26 сөмөлүөт «Полярные авиалинии» авиахампаанньа ойуур баһаардарын сэрэтэр, бохсор, умулларар үлэни тэрийэргэ анаан оҥорторбут, анал тэрилинэн хааччыллыбыт Арассыыйаҕа бастакы кырасдааныскай аал буолар. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыска: Ил Дархан уонна Бырабыыталыстыба саайтыттан.
-
0
-
0
-
0
-
0
-
0
-
0
