Маны таһынан, маркетплейска “Сделано в Якутии” диэн олохтоох бреннэр атыыланар түһүмэҕэ баар буоларын туһунан сөбүлэспиттэр.
“Сүрүн инвестбырайыак – ыскылаат комплекса-логистическай киинэ. Билигин күүстээх кэпсэтиилэр бара тураллар. Быһа барыллаан билигини Өлүөнэ күргэтэ тутулла турар Эргэ Табаҕаҕа баар учаастагы көрөллөр. Бу бырайыак олоххо киирдэҕинэ саҥа үлэ миэстэлэрэ тахсыахтара, итиэннэ олохтоох биисинэскэ үчүгэйинэн дьайыаҕа, тоҕо диэтэххэ, логистика ороскуоттара, тырааныспарынан тиэйии-таһыы биллэ аччыаҕа”, -- диэн Анна Кокорина этиитин www.sakha.gov.ru суруйар.
Миниистири солбуйааччы тоһоҕолообутунан, өрөспүүбүлүкэ Wildberries & Russ хампаанньаны кытары ыскылаат комплексын тутууннан эрэ муҥурданыа суоҕа. Сотору кэминэн Саха сирэ хампаанньа АСИны кытары таһаарбыт “Платформа роста” акселерационнай бырайыакка кыттыһыаҕа.
Санатар буоллахха, Илиҥҥи экэнэмиичскэй пуорум кэмигэр Ил Дархан Айсен Николаев уонна Wildberries төрүттээччи, РВБ баһылыга Татьяна Ким инвестициялаах бырайыагы олоххо киллэрэр туһунан сөбүлэҥи түһэрсибиттэрэ.
Хаартыска: Wildberries саайтыттан
-
1
-
0
-
0
-
0
-
0
-
0
