Быһа эпииргэ анаан ыйытыылары хомуйуу балаҕан ыйын 18 күнүгэр саҕаланан, бүгүҥҥэ диэри 270 ыйытык киирдэ диэн эрэгийиэни салайыы Киинэ биллэрэр.
Ол иһигэр 101 ыйытыы колл-киин уонна 171 - телеграм-бот нөҥүө киирдэ. Ордук элбэх ыйытыыны Дьокуускайтан уонна салгыы Нерюнгри, Алдан оройуоннарыттан биэрэллэрин бэлиэтиэххэ сөп. Ыйытыылар үгүстэрэ хаарбах дьиэлэртэн көһөрүү, эбийиэктэри тутуу, тырааныспар, суол хаһаайыстыбатын, олох-дьаһах хомунаалынай хаһаайыстыбатын, энэргиэтикэ, доруобйуа харыстабылын, үөрэхтээһин уонна социальнай. төлөбүрдэр хайысхаларынан киирэр.
Олохтоохтор бэйэлэрин ыйытыыларын «Макс» мессенджер нөҥүө биэриэхтэрин сөп. Киирэр бары ыйытыылар тутатына үлэҕэ ылыллаллар, ону көрөр-истэр операторынан Эрэгийиэннээҕи салайар киин буолуоҕа. Быһа эпиир солбуллубат ыытааччыларынан Олег Марков уонна Алёна Шестакова буолаллар. Быһа эпиир Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан «Саха» НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ. Ыйытыылары СӨ Эрэгийиэни салайар киинэ хомуйан саҕалаата, 8 (4112) 506-006 нүөмэр сарсыарда 9 чаастан 18 чааска диэри үлэлиир. Итиэннэ телеграмҥа @voprosGlaveYakutii_bot чат-бот нөҥүө эмиэ ыытыахха сөп.
Хаартыска sakhagov.ru
-
3
-
0
-
0
-
0
-
0
-
0
