Ол курдук «Совершенствование экстренной медицинской помощи» уонна «Продолжительная активная жизнь» диэн бырайыактар чэрчилэринэн санавиация сайдыытыгар РФ бырабыыталыстыбата Саха Cиригэр 122 мөл.солкуобайы көрбүтүн санатан: «Биһиги киэҥ, улахан сирдээх өрөспүүбүүкэбитигэр бу тырааныспар эрэ буолбатах, бу дьон олоҕун быыһыыр, доруобуйаларын чөлгө түһэрэр кыах буолар«, — диэн Айсен Николаев мунньах кэмигэр бэлиэтээтэ.
Ону тэҥэ «Международная кооперация и экспорт» саҥа национальнай тосхол иһигэр киирэ сылдьар «Системные меры развития международной кооперации и экспорта» федеральнай бырайыак экспордын эрэгийиэннээҕи кииннэрин өйүүргэ РФ Бырабыыталыстыбата эбии үбү көрөргө быһаарыныытын дьүүллэһии буолла. 2025 сыл бүтүөр диэри 1,1 тыһ тахса экспортнай хантараагы баттаһыы былааннанар. Саха Сирэ бу сыалга-сорукка 14 мөл тахса солк ылыаҕа. Айсен Николаев бэлиэтииринэн, Саха Сиригэр маннык миэрэлэр дьоһуннаахтар, дьоҕус уонна орто биисинэскэ тас ырыынаакка тахсар кыаҕы биэрэр.
Тэрээһиҥҥэ салгыы 100 тыһ. диэри олохтоох нэһилиэнньэлээх куораттарга үлэлиир тутааччыларга аналлаах кирэдьииттэри субсидиялыыр бырагыраама туһунан кэпсэттилэр. «Жильё и городская среда» национальнай бырайыагынан 2025 сылга бу сыалга-сорукка 500 мөл солк көрүллүөҕэ. Бырагыраама көмөтүнэн тутааччылар сылга 12% ыстаапкалаах чэпчэтиилээх кирэдьиит ылар кыахтаныахтара. Бу 2026 сылга туттарыллан бүтүөхтээх 390 тыһ. кв. миэтэрэлээх олорор дьиэлэри тутарга туһалыаҕа. Мунньахха хотугу таһаҕаһы тиэйии-таһыы уонна ититии сезонун хаамыытын туһунан өрөспүүбүлүкэ баһылыгар отчуоттаатылар.
Ону таһынан, улахан болҕомто бу ый 27 күнүгэр ыытыллыахтаах «Быһа илииньийэҕэ» уурулунна. Санаттахха, бу күннэргэ ыйытыылары хомуйуу салҕанар. Айсен Николаевтыын «Быһа илииньийэ» балаҕан ыйын 27 күнүгэр олохтоох бириэмэнэн киэһэ 19:00 чаастан саҕаланыаҕа. Быһа эфир «НВК Саха», «Якутия 24», «Россия 24» ханаалларга, «Тэтим», «Радио России», «Виктория Саха», «СТВ-радио» араадьыйаларга уонна Айсен Николаев социальнай ситимнэригэр көстүөҕэ.
Ыйытыыларгытын @voprosGlaveYakutii_bot Telegram чат-ботка суруйан ыытыаххытын сөп эбэтэр колл-киин нүөмэригэр: 8 (4112) 506-006. Колл-киин үлэлиир бириэмэтэ: сарсыарда 9:00 чаастан киэһэ 18:00 чааска диэри.
Хаартыска sakhagov.ru
-
3
-
0
-
0
-
0
-
0
-
0
