Бырабыыталыстыба бу дьыл балаҕан ыйын 18 күнүнээҕи 727-р №-дээх дьаһалынан, оробуочай бөлөҕү Саха сирин бастакы вице-премьера Дьулустаан Борисов, оттон кини солбуйааччытынан бырамыысалыннас миниистирэ Максим Терещенко буолла.
Итиэннэ оробуочай бөлөх састааба бигэргэннэ. Онно 25 киһи киирдэ – туһааннаах министиэристибэлэртэн, бэтэринээр сулууспатыттан, сир баайын туһанааччылартан, учуонайдар, уопсастыбаннай деятеллэр, норуот маастардара, таможня хонтуруолун бэрэстэбиитэллэрэ.
Бу тиэмэ сайдыыта эрэгийиэҥҥэ сэлии фауната киэҥник тарҕаныытын, ирбэт тоҥҥо көстөр харамай элбэҕин, итиэннэ олохтоох уонна дойду учуонайдара чинчийиилэрэ дириҥээбитин кытары ситимнээх. Ол ураты туристыыр бренди таһаарар уонна аан дойду култуурунай нэһилиэстибэтин хараанныырга туһалаах.
Маны таһынан, ити норуоттар икки ардыларынааҕы бииргэ алтыһыы сайдыытыгар дьайыаҕа. Онуоха холобур быһыытынан Японияҕа “Экспо-2005” Аан дойдутааҕы быыстапкаҕа Дьүкээгир сэлиитин туруоруу буолар. Дьүкээгир сэлиитэ 2002 сыллаахха Саха сирин хоту өттүгэр булуллубута. Чинчийии түмүгүнэн кини быһа холоон 18 тыһ. саастааҕа быһаарыллыбыта. Учуонайдар сэлии 40-ча сыл олорбутун быһаарбыттара.
Биэдэмэстибэлэр икки ардыларынааҕы бөлөх, дьаһалга ыйылларынан, сэлии фаунатын харыстыырга сокуон базатын уонна нуормалыыр аакталары сайыннарыаҕа, ол иһигэр бу эйгэҕэ нолуок систиэмэтин тупсарыыга үлэлиэҕэ.
Ордук болҕомто бу бырассыас кыттыылаахтарын икки ардыларыгар, ол иһигэр былаас уорганнарын, научнай тэрилтэлэри уонна биисинэһи систиэмэлээхтик ситимнэһэллэригэр уурары былаанныыллар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Хаартыска: yakutia.info
-
0
-
0
-
0
-
0
-
0
-
0
