Мунньахха успуорт миниистирэ Леонид Спиридонов, Ил Түмэн ыччат дьыалаларыгар, физическай култуураҕа уонна успуорка сис кэмитиэтин бэрэссэдээтэлэ Георгий Балакшин, итиэннэ Ньурба улууһун дьаһалтатын салайааччылара кытыннылар.
“Билигин бырайыактыыр докумуона оҥоһуллан турар. Тутуу болдьоҕун уонна былаанын тутустахха эбийиэк 2027 сылга үлэҕэ киириэҕэ. Билигин үбүлээһинин эрэ көрүү буолбакка, бары таһымҥа – бырабыыталыстыбаттан саҕалаан Ньурба улууһун дьаһалтатыгар тиийэ – үлэни сөбүлэһэн ыытыахха наада”, — диэн миниистир Леонид Николаевич эттэ.
Эбийиэк Арассыыйа успуорка министиэристибэтин сүрүн киритиэрийдэригэр эппиэттиир буолуохтаах: дьон успуордунан уонна физическай культуранан дьарыктаналларыгар үчүгэй усулуобуйаны тэрийии таһымыгар, усупордунан дьаныардаахтык дьарыктанар нэһилиэнньэ өлүүтүнэн, успуорт эбийиэктэринэн хааччыллыытынан, доруобуйаларыгар хааччахтаах дьон сылдьар кыахтаныыларынан, Арассыыйа Бэрэсидьиэнин соруктарын толоруутунан уонна сыыппара сервистэрин көдьүүстээхтик туһаныытынан (“Госуслуги”, ГИС “Спорт”).
-
0
-
0
-
0
-
0
-
0
-
0
