«Маны быһаарарга көмөлөһүҥ диэн элбэх сурук киирдэ, үбүлээһин хааччахтанан, өрөспүүбүлүкэ үрдүнэн оҥоһуллар санитарнай риэйсэлэри баҕар тохтотуохтарын сөп», — диэтэ Павел Петрович.
СӨ Тырааныспарга, суол хаһаайыстыбатыгар миниистир солбуйааччыта Ольга Рафаилова этэринэн, өрөспүүбүлүкэҕэ авиационнай тырааныспарынан дьон сырыытын хааччыйарга субсидиялааһын икки көрүҥэ оҥоһуллар.
2025 сылга ити сыалга 276,6 мөл. солк. көрүллүбүт, былырыыҥҥы сылы кытта тэҥнээтэххэ, 4 төгүл кыра. Ону таһынан, 2024 сылга «Полярные авиалинии» авиахампаанньаҕа 193,7 мөл. солк. төлөнө илик иэс баар эбит. Бу кыһалҕа тула авиахампаанньа генеральнай дириэктэрэ Семен Винокуров, «Якутия» авиахампаанньа генеральнай дириэктэрин экэниэмикэҕэ солбуйааччыта Максим Егоров, Үп, Доруобуйа харыстабылын министиэристибэтин бэрэстэбиитэллэрэ санааларын эттилэр.
Норуот дьокутааттара мунньах кыттыылаахтарын кытта бу боппуруостары хайдах быһаарыахха сөбүн дьүүллэстилэр. «Полярные авиалинии» авиахампаанньа дебиторскай иэһэ мунньуллан, авиационнай оттугу атыылаһарга төлөбүрүн 100% төлүүргэ үбэ суоҕуттан, быйыл балаҕан ыйын 1 күнүттэн өрөспүүбүлүкэ үрдүнэн Ан-24 уонна Ан-26 сөмөлүөттэринэн мэдиссиинискэй көмөнү оҥорорго кыайан көппөт буолбуттар.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
