Ол туһунан балаҕан ыйын 20-21 күннэригэр Москубаҕа ыытыллыбыт Бастакы Аан дойдутааҕы Уопсастыбаннай Ассамбылыайа (Всемирная Ассамблея) кэмигэр биллэрдилэр. Александр Николаевич Жирков бу тэрээһииҥэ Ассамбылыайа Бэрэсидьиэнэ А.Ю. Бельянинов тус ыҥырыытынан тиийэн кытынна уонна панельнай сиэксийэҕэ испиикэрдээтэ.
Суруйааччылар аан дойдутааҕы тэрилтэлэрин Бэрэсидьиэнэ, Аан дойду норуоттарын Ассоциациятын литератураҕа сэбиэтин Бэрэссэдээтэлэ Маргарита Аль кыайыылаах дипломун туттарарыгар Саха Сирин бэрэстэбиитэлин гуманитарнай көҕүлээһиннэрэ норуоттар икки ардыларынааҕы суолталааҕын бэлиэтээтэ. А.Н. Жирков панельнай сиэксийэҕэ кыттарыгар Аан дойдутааҕы Уопсастыбаннай Ассамбылыайаҕа Кыргыстаан Өрөспүүбүлүкэтин салалтата 2026 сылга Чингис Айтматов аатынан норуоттар икки ардыларынааҕы Иссык-Кульскай пуоруму ыытар туһунан быһаарыныытын өйүүргэ этии киллэрдэ.
А.Н. Жирков эрэдээксийэлээһининэн, кини тылбааһынан үгүс түүр омуктарын эпостара сахалыы тылынан кинигэ буолан тахсыбыттара, Чингис Айтматов “Пегий пес, бегущий краем моря” сэһэнин уо.д.а эпическэй айымньылары сахалыы тылбаастаабыта. Кини аан дойдутааҕы гуманитарнай нэһилиэстибэни харыстыыр аналлаах элбэх уопсастыбаннай тэрилтэлэргэ салайааччы, чилиэн быһыытынан, ол иһигэр: “Аан дойду норуоттарын эпостара” норуоттар икки ардыларынааҕы ассоциация вице-бэрэсидьиэнэ, норуоттар икки ардыларынааҕы Арассыыйа ИКОМ – мусуойдар Сэбиэттэрин чилиэн буоларынан киэҥ хабааннаах үлэни ыытар.
Хаартыска Ил Түмэн
-
1
-
0
-
0
-
0
-
0
-
0
