«Аһымал пуонда Саха сиригэр бэйэтин суотугар «Точка будущего» үөрэх комплексын тутар былааннаах. Маннык комплекс Иркутскайга үлэлии турар. Тэхиньиичэскэй өттүнэн толору хааччыллылаах комплекс аныгы информационнай технологиялары баһылыырга тирэх буолуохтаах. Манна үлэлиир исписэлиистэр инники күөҥҥэ тутуллар уопуттара уонна бастыҥ көрдөрүүлээх үлэлэрэ биһиэхэ холобур буолуохтара», – диир Ил Дархан пресс-сэкирэтээрэ Афанасий Ноев.
Саха сирин бырабыыталыстыбата комплекс тутуутугар сир биэриэҕэ уонна инфраструктуратын оҥорууга көмөлөһүөҕэ.
Айсен Николаев бэлиэтээбитинэн, маннык үөрэх тэрилтэтин тутуу биисинэс социальнай эппиэтинэһигэр үтүө холобур буолар. «Точка будущего» комплекс уһуйааннаах, оскуолалаах, үчүгэй инфраструктуралаах, анал үөрэх мадьыаллаах, инникигэ көҕүлүүр күүһэ улахан буолуохтаах.
Антон Климов хаартыската.
-
0
-
0
-
0
-
0
-
0
-
0
