Пеледуйга байыаннай чаас 1980 сыллаахха тэриллибитэ, билигин ол административнай-олорор куорат быһыытынан үлэлиир. Байыаннай куорат биир сүрүн эбийиэгинэн 1983 сыллаахха тутуллубут биэс мэндиэмэннээх олорор дьиэ буолар. Онно байыаннай сулууспалаахтар уонна чаас гражданскай персонала олороллор.
Ити дьиэ билигин олус эргэрдэ, хапытаалынай өрөмүөн эрэйиллэр. Ити боппуруос элбэх кыбартыыралаах дьиэлэр хапытаалынай өрөмүөннэрин өрөспүүбүлүкэтээҕи бырагрыаамаҕа киирэ сылдьар. Онон бырагыраама иитинэн өрөмүөн үлэтэ ыытыллыахтаах. Көрсүһүүгэ өрүттэр өрөмүөн үлэтин болдьоҕун көһөрөр кыаҕы дьүүллэстилэр.
Маны таһынан байыаннай чаас үлэтэ көдьүүстээх буоларын хааччыйар матарыйаалынай-тэхэньиичэскэй хааччыллыы боппуруостарын дьүүллэстилэр. Бу туһунан Ил Дархан уонна бырабыыталыстыба дьаһалтатын пресс сулууспата иһитиннэрэр.
Хаартыска: https://www.sakha.gov.ru/
-
0
-
0
-
0
-
0
-
0
-
0
