Спортсмен Арассыыйа сүүмэрдэммит паралимпийскай хамаандатын састаабыгар киирэн кытынна. Онон сааҥсыйаларынан сылтаан дойду былааҕын бобо сылдьыбыттарын кэннэ, аан бастакытын Владимир Балынец көмөтүнэн Арассыыйа былааҕын чиэстээһин церемониятыгар көтөхтүлэр.
Аан дойду ааттаахтара мустубут чемпионакка Владимир Балынец 49 кг ыйааһыҥҥа кытынна уонна 483 кг түмүгү көрдөрөн иккис миэстэҕэ таҕыста.
Бастакы миэстэни 515 кг көтөхпүт Бразилия спортсмена Круз Ма де Оливейра буолбут. Боруонсаны 464 кг түмүгү көрдөрөн Кытайтан Ли Ван Гонг буолбут.
Владимир Балынец тириэньэринэн Арассыыйа үтүөлээх тириэньэрэ Петр Давыдов буолар. Санатар буоллахха, кини иитиллэччитэ Айаал Сивцев соторутааҕыта ядроны анньыыга (толкание ядра) аан дойду чемпионатыгар боруонса мэтээли ылбыта.
Хаартыска: “Триумф” ЦСП
-
0
-
0
-
0
-
0
-
0
-
0
