Тыа хаһаайыстыбатын министиэристибэтэ иһитиннэрэринэн, тэрээһиҥҥэ 11 балык хаһаайыстыбата уонна балыгы астыыр тэрилтэ бородууксуйатын батарыа. Алтынньы 26 күнүгэр диэри куорат олохтоохторо Булуҥ, Усуйаана, Аллараа Халыма, Үөһээ Халыма улуустарыгар бултаммыт, Дьокуускай куоракка астаммыт минньигэс балык арааһын атыылаһан остуолларыгар күндү ас гынан ууруохтара.
Кыһыҥҥы хаһаастарын атыылаһа кэлэр хаһаайкаларга үөрүүлээх сонун! Бу күн ыыһаммыт, тууһаммыт, тоҥоруллубут балык арааһын сэргэ, олохтоох тыа хаһаайыстыбатын оҥорон таһаарааччыларыттан сибиэһэй эт астары атыылаһыахха сөп буолуо.
Бээтиниссэҕэ, күнүс 12 чаастан XV быыстапка-дьаабаҥка үөрүүлээх быһыыга-майгыга арыллыаҕа. Кыттааччыларга уонна дьаабаҥка ыалдьыттарыгар сэргэх тэрээһин буолара күүтүллэр. “Гулун” хоту үҥкүү ансаамбыла, СӨ Хотугу аҕыйах ахсааннаах төрүт олохтоох норуоттарын судаарыстыбаннай тыйаатырын артыыстара эҕэрдэ нүөмэрдэри бэлэхтиэхтэрэ. Бастыҥ балык бултуур хаһаайыстыбалары араас наҕараадаларынан бэлиэтиэхтэрэ, “Индигирка” салааты астааһыҥҥа маастар-кылаас ыытыллыа.
Дьаарбаҥка-быыстапка үс күн устата сарсыарда 10 чаастан киэһэ 18 чааска диэри үлэлиэ.
-
0
-
0
-
0
-
0
-
0
-
0
