РФ Бэрэсидьиэнэ ааспыт нэдиэлэҕэ Москубаҕа ыытыллыбыт национальнай сыһыаннаһыылар Сэбиэттэрин мунньаҕар Бүттүүн Араассыыйатааҕы казактар уопсастыбаларын атамана Виталий Кузнецов 2026 сылы Арассыыйа норуоттарын бииргэ буолууларын сылынан биллэрэр туһунан киллэрбит этиитин өйөөтө. “Оннук, сөп, биллэриэхпит”, -диэтэ бэрэсидьиэн уонна вице -премьер Татьяна Голиковаҕа сөптөөх быһаарыылары бэлэмнииргэ сорудахтаата.
Атаман Кузнецоа бу этиини дойду олохтоохторо үксүлэрэ өйүөхтэрэ диэн эрэнэрин уонна биһиги төһө түмсүүлээхпититтэн уонна сомоҕолоһуулаахпытыттан Арассыыйа сарсыҥҥыта, сайдыыта тутулуктааҕын биллэрдэ.
ххх
Санатар буоллаахха, бу иннинэ Владимир Путин Арассыыйа аҕыйах ахсааннаах төрүт норуоттарын уонна Арассыыйа норуоттарын төрүт тылларын күннэрин олохтооһун туһунан уураахтарга илии баттаабыта.
Уураахтарга биллрэиллибитинэн, Аҕыйах ахсааннаах төрүт норуоттар күннэрэ муус устар 30 күнүгэр, оттон төрүт тыллар күннэрэ – балаҕан ыйын 8 күнүгэр бэлиэтэнэр буолуохтара.
Маҥнайгы докумуон аҕыйах ахсааннаах норуоттар төрүт култуураларын, үтүө үгэстэрин харыстыыр, сайыннарар сыаллаах буоларын бэрэсидьиэн бэлиэтиир.
Оттон Арассыыйа норуоттарын төрүт тылларын күнүн олохтуур туһунан дойдубут салайааччыта өссө бэс ыйыгар этэн турар. Балаҕан ыйын 8 күнэ мээнэҕэ талыллыбатах күн. Бу күн сэбиэскэй сойуус бэйиэтэ Расул Гамзатов күн сирин көрбүт күнэ.
2020 сыллааҕы биэрэпис көрдөрөрүнэн, Арассыыйаҕа 176 төрүт тыл баара бэлиэтэммит. Нуучча тылын сэргэ ордук тэнийбит татаардыы, чеченыы, башкирдыы саҥарыы буолар. Оттон сэдэх тыллар – исландскай, керекскай, югскай, габонскай, юитскай. Ол курдук юит тылынан (азиаттыы эскимостар) биир эрэ Арассыыйа олохтооҕо саҥарар.
Хаартыска © Александр Казаков/ ТАСС
-
0
-
0
-
0
-
0
-
0
-
0
