Айсен Сергеевич Роман Грековка өрөспүүбүлүкэтээҕи 3-с төгүлүн ыытыллар фашизмы утары пуоруму тэрийиигэ, ону тэҥэ Анал байыаннай дьайыы хонуутуттан аҕалыллыбыт байыаннай тиэхиньикэ быыстапкатын тэрийиигэ көмөтүн иһин махталын биллэрдэ.
«Бу Арассыыйа буойуттарын эр санааларын санатар, сэбилэниитин модун күүһүн көрдөрөр экспозиция. Хас биирдии тиэхиньикэ биһиги байыастарбыт дойдуларын көмүскүүр уонна хорсун санааларын холобурдуур», — диэн Ил Дархан чорботон бэлиэтээтэ.
Ону таһынан, үһүс фашизмы утары пуорум түмүктэрин, инники ыытыллар үлэни, байыастар уонна кинилэр дьиэ кэргэттэрин өйөөһүн боппуруостарын, АБДь кыттыылаахтарыгар гуманитарнай уонна психологическай көмө тиһигин сайыннарыы туһунан дьүүллэстилэр.
«Саха Сирэ уолаттарын кытта өрүү бииргэ. Биһиги Илиҥҥи байыаннай уокуругу кытта ситиммитин өссө да бөҕөргөтө туруохпут, байыастарбытыгар көмөлөһө уонна сомоҕолоһуу, дойдуга бэриниилээх буолуу үгэстэрин элбэтэ, кэҥэтэ туруохпут», — диэн Ил Дархан бэлиэтээтэ.
Саргын Скрябин / СИА хаартыскаҕа түһэриитэ
-
0
-
0
-
0
-
0
-
0
-
0
