Маннык саҥа уопсастыбаннай сир Дьокуускайга Сэргэлээхтиир шоссе уонна Михаил Николаев аатынан проспект быһа охсуһууларыгар оҥоһуллуоҕа.
Куонкурс кыайыылааҕынан “Старт” диэн бюро биллэрилиннэ. Кинилэр оҥорбут бырайыактарыгар элбэх функциялаах комплексы торумнаабыттар, ол иһигэр Бастакы Бэрэсидьиэн пааматынньыга, култуурунай тэрээһиннэри ыытар миэстэлэр киирэллэр. Композиция киининэн 21 таас обелискалартан турар Михаил Николаев монумена буолуоҕа. 21 ахсаан Михаил Ефимович «Саха Өрөспүүбүлүкэтэ: XXI үйэ бастакы чиэппэригэр сайдыы стратегията» диэн киэҥ бырагыраамаллаах үлэтигэр ыйыллан турар. Обелискалар маҥан кыраныыт таһынан оҥоһуллуохтара, сирэй өттүттэн Николаев мэтириэтин сорох чааһа көрдөрүллүөҕэ,оттон атын өттүттэн Өлүөнэ очуостарын санатардыы көстүөхтэрэ.
СӨ архитектураҕа Управлениета уонна "LETO" СӨ территориятын сайыннарыыга компетенциятын Киинэ тэрийбит бу куонкурустарыгар барыта 14 кыттааччы бэйэлэрин бырайыактарын киллэрбиттэр. Иккис миэстэни «Арка» бюро, үһүс миэстэни архитектор Марина Рида ыллылар. Куонкуруһу тэрийээччиллэр бэлиэтээбиттэринэн, билигин архитектордар куорат эйгэтин тэрийиигэ улахан оруолу ылаллар, оттон маннык айар куонкурустар куораттар уонна сэлиэнньэлэр сайдалларыгар сөптөөх суолу тобуларга көмөлөһөллөр. Ону таһынан, тэрийээччиллэр куонкуруска кыттыбыттарга барыларыгар махталларын биллэрэллэр.
Хаартыскалар: "LETO" СӨ территориятын сайыннарыыга компетенциятын Киинэ
-
9
-
0
-
0
-
0
-
0
-
0
