Николаев-киин салайааччыта Юрий Семенов бэлиэтээбитинэн, биллииллээх бэлиитик тус архыыбын пуондатын хомуйуу үлэтэ икки сыл устата бэрт сыралаахтык ыытыллан, интэриэһинэй пуонда мунньуллубут : "Михаил Ефимович дьиэ кэргэнэ биһиги Кииммитигэр элбэх тус докумуоннары, ол иһигэр наҕараадалары, хаартыскалары уонна сэдэх матырыйааллары туттарда. Биһиги Кииммит харайыы боппуруоһун үөрэтэн көрөн баран, бу уникальнай матырыйааллары профессиональанй архыып үлэһиттэрэ ордук сатабыллаахтык, кичэйэн харайа сылдьыахтара диэн, бары оригиналлары Нассыаналынай архыыпка биэрэр тууһунан быһаарыы ылынныбыт. Оттон электроннай куопуйалара биһиги Киммитигэр хаалыахтара уонна көрдөрүүгэ, үөрэтиигэ куруук туттуллуохтарын сөп”, -диэн быһааран биэрдэ.
«Биһиги архыыппытыгар Бастакы Бэрэсидьиэн тус матырыйааллара харайыыга туттарыллара улахан чиэс уонна эппиэтинэс. Маннык далааһыннаах суолталаах документальнай нэһилиэстибэни харайа ылыыга биһиги үлэһиттэрбит бэрт ымпыктаах-чымпыктаах үлэни ыыттылар. Хас биир докумуон сурукка тиһилиннэ, бэлиэтэннэ уонна архыып кытаанах ирдэбилигэр сөп түбэһэрдии систиэмэлэннэ», -диэн Саха Сирин Нассыаналынай архыыбын дириэктэрэ Петр Румянцев эппитинэн сирдэттэххэ, кырдьыга да, суолталаах нэһилиэстибэ үйэлэргэ кичэллээхтик хараллан, Саха Сирин бу кэминээҕи устуоруйатын үөрэтиигэ тугунан да кэмнэммэт ураты туһалаах буолуоҕа.
Михаил Николаев тус пуондатыгар билигин 103 дьыала киирдэ уонна үөрэтиэн, чинчийиэн баҕалаахтарга аһаҕас буоларын бэлиэтиэххэ сөп.
Быыстапка1 №-дээх Бырабыыталыстыба дьиэтигэр ахсынньы бүтэһигэр диэри туруорулунна.
Хаартыскалар: СӨ Нассыаналынай архыыба
-
3
-
0
-
0
-
0
-
0
-
0
