Арассыыйа ИДьМ Дьокуускайдааҕы салаатын начаалынньыгын иһитиннэриитинэн, уопсайа 51 маҕаһыыны бэрэбиэркэлээбиттэр, атыыһыттарга 12 административнай боротокуолу суруйбуттар. Кыраадыстаах утаҕы сокуоннайа суох эргинэллэрин туппуттар, 1 тыһ. лиитирэ арыгыны былдьаабыттар.
Административнай хамыыһыйа бэрэссэдээтэлин эбээһинэһин толорор Егор Семёнов араас “наливайкаҕа” административнай боротокуол толоруллубут, ыстараап түспүт. Холобур, “ПивоRoob” Орджоникидзе уулусса 39/1 нүөмэрдээх дьиэтигэр баар филиала дуогабара бүтээтин кытта үлэтин тохтоппут, лиссиэнсийэтин салгыы уһатар былаана суох. Кэлиҥҥи 2 сылга бу филиалы административнай эппиэккэ 15-тэ тарпыттар, 1 мөл. тахса суумалаах ыстараабы түһэрбиттэр.
Мунньах түмүгэр Евгений Григорьев испииһэккэ 20 “наливайка” киирбитин, олохтоохтор үҥсүүлэрин салгыы Роспотребнадзорга, ЫБММ-гэр, Урбаан министиэристибэтигэр, нолуогабайга ыыталларын эттэ. Ону таһынан “наливайкалары” куорат борокуратуурата быраап-нуорма өттүнэн, ЫБММ-тэ баһаар өттүнэн куттала суох буолуу ирдэбиллэри төһө тутуһалларын хонтуруоллуоҕа.
Кэлэр мунньах бу сыл ахсынньытыгар былааннанар.
Дьокуускай куорат пресс-сулууспатын хаартыската.
-
0
-
0
-
0
-
0
-
0
-
0
