Бу дьон Арассыыйаттан Кытайга Благовещенскай киллэрэр-таһаарар пуун нөҥүө тахсан испиттэр. Уопсайа 6 мөл солк сыаналааах тириилэри чымаадааннарга уонна үрүксээктэргэ уган таһараардыы оҥостубуттар. Бэрэбиэркэ кэмигэр кинилэр таможенниктарга сыаналаах табаары таһаарыыга ирдэнэр докумуону туттарбатахтар уонна биир билбэт киһилэрэ көрдөспүтүгэр, төлөбүр иһин таһаарарга сөбүлэспиппит диэн быһаарбыттар.

Тохтотуллубут дьон буруйдарын толору билиммиттэр. Билигин кинилэр олорор дьиэлэриттэн тахсыбат миэрэҕэ тардылыннылар.

Хабаровскайдааҕы таможня бу туристарга сыһыаннаан РФ УК 226.1 ыст. 2 ч. “в” пуунугар олоҕуран холуобунай дьыаланы (улахан кээмэйинэн стратегическай суолталаах табаардары уонна ресурсалары контрабандалааһын иһин) тэрийдэ. Кинилэр 10 сылга хаайыллыахтарын уонна 1 мөл солк ыстараптаныахтарын сөп.

Билигин бу контрабандаҕа атын кыттыгастаах дьону көрдүүллэр.

Тэрээһин Арассыыйа ФСБ-тын Амурскай уобаластааҕы управлениета кыттыылаах ыытылынна.

Хаартыска: Улусмедиа