“Ааспыт биэс сыл иһигэр Дьокуускай нэһилиэнньэтэ 30-ча тыһыынча киһинэн эбилиннэ. Ол – нэһилиэнньэбит бүттүүн ахсаанын 8 бырыһыана. Докумуоҥҥа, сурукка-бичиккэ официальнайдык киирбитинэн, куораппытыгар 392 тыһыынча киһи олорор. Оттон онно бэрэпиискэтэ суох дьону эптэххэ, 400 тыһыынча киһини куоһарбыта ыраатта”, -- диэн Евгений Григорьев сырдатта.
Биэс сыл иһигэр Дьокускай сыллааҕы бүддьүөтэ 22 миллиард солкуобайтан 37 миллиардка диэри улааппыт. Судургутук эттэххэ, 70 бырыһыанынан.
“Биир киһиэхэ көрүллэр бүддьүөт харчыта улаатта. Ол иһин куораппыт, олох хаачыстыбата тупсарын көрөбүт, эбии балыыһалар, оскуолалар тутуллаллар. Биллэн турар, Ил Дархан өйөбүлэ суох уонна куорат федеральнай бырайыактарга кыттыбата буоллар, ол кыаллара уустук этэ”, -- диэн мээр быһаарда.
Хаартыска: СИА.
-
1
-
0
-
0
-
0
-
0
-
0
