Ол оскуолалар уонна уһуйааннар Дьокуускай уонна Нерюнгри куораттар маастар-былааннарын чэрчитинэн тутуллуохтара. Оскуолалар бары холбоон -- 5600, оттон оҕо уһуйааннара 2000 миэстэлээх буолуохтара үһү. Ону таһынан федеральнай үп Нерюнгри куоракка 120 миэстэлээх “Арктика” эспэримиэнниир интэринээт-оскуола” уонна Бүлүүгэ 990 миэстэлээх саҥа таас оскуола тутуутугар кэлиэхтээх.
Миниистир этэринэн, 2026 сылга быйыл саҕаламмыт үс оскуола уонна икки уһуйаан тутуута салҕаныахтаах. Эбии өссө икки уһуйаан тутуллуохтаах.
Санаттаха, 2024 сыллаахха Саха сиригэр барыта холбоон 4200 миэстэлээх 15 оскуола уонна 315 миэстэлээх түөрт уһуйаан, түөрт оскуола успуорт саалата туттуллан үлэҕэ киирбиттэрэ.
Хаартыска: Мария Васильева, СИА.
-
0
-
0
-
0
-
0
-
0
-
0
