.jpg)
Бу тэрилтэлэр халыҥыы илик мууска көҥүлэ суох айанныыр тырааныспардары тутарга эрэйдиэлэри тэрийэллэр, куттала суох буолууну хааччыйаллар. Сэтинньи 18 күнүгэр Өлүөнэ өрүскэ эриэйдэ оҥордулар. Сулууспа үлэһиттэрэ этэллэринэн, төһө да сэрэтии баарын үрдүнэн мууска тахсар буруйу кэһэр суоппар ахсаана элбии турар.
Дьокуускай дьаһалтатын “Управление Го и ЧС” МКУ ууга куттал суох буолуутун хааччыйыыга сүрүн исписэлиис Чаҕыл Лукин эрэйдиэлэр 2025 сыл сэтинньи 1 күнүттэн 2026 сыл ыам ыйын 7 күнүгэр диэри буолалларын эттэ.
Билиҥҥи туругунан ханнык баҕарар тырааныспар мууска тахсара кытаанахтык бобуллар. Кэһэр түгэҥҥэ суоппардар административнай эппиэккэ тардыллаллар. Ыстараап суумата – 3-5 тыһ. Дуоһунастаах дьон 20 тыһ. солкуобайтан 50 тыһ. солкуобайга диэри ыстарааптаналлар. Оттон тэрилтэлэргэ – 100 тыһ. солкуобайтан мөлүйүөҥҥэ диэри.
Убаастыбаллаах Дьокуускай олохтоохторо, ыалдьыттар!
Көҥүлэ суох кэмҥэ мууска тахсаргыт кытаанахтык бобулларын санатабыт. Халыҥыы илик мууска тырааныспарынан айанныыр суоппарга, чугас дьоҥҥутугар, пассажирдарга улахан кутталы үөскэтэр. Хайа да кэмҥэ муус хайдыан сөп. Кутталлаах быһыы-майгы тахсыбатын туһугар сэрэхтээх буолуҥ!
Дьокуускай дьаһалтатын пресс-сулууспатын хаартыската.
-
0
-
0
-
0
-
0
-
0
-
0
