Холобур, доруобуйа харыстабылын бастакы звенотун тупсарыы бырагырааматынан көмпүүтэр томограбын — Дьааҥытааҕы киин балыыһаҕа, маммография аппарааттарын Эдьигээн, Өлөөн, Орто Халыма киин балыыһаларыгар ылбыттар.
Маны таһынан саҥа УЗИ аппарааттарын Бүлүү, Аллайыаха, Сунтаар, Үөһээ Бүлүү, Таатта, Уус Алдан киин балыыһаларыгар уонна Айхал бөһүөлэгин балыыһатыгар аҕалан туруорбуттар. Ити саҥа УЗИ аппарааттара уруккулардааҕар быдан чопчу чинчийэллэр уонна ол түмүгүн сыыппара киэбигэр уган харайаллар.
Маны таһынан ИВЛ, хаан баттааһынын суукка устата кэтиир аппарааттар, орон аттынаааҕы монитордар, сүрэх үлэтин кэтиир холтердар, эндоскопическай систиэмэ, кольпоскоп, кыһыл оҕоҕо аналлаах инкубатордар уонна реанимация остуоллара ылыллыбыттар. Доруобуйа харыстабылын министиэристибэтэ суруйарынан, ити тэриллэр үгүстэрэ — дойду бэйэтин оҥоһуктара.
Хаартыска: sakha.gov.ru
-
0
-
0
-
0
-
0
-
0
-
0
