Ыстатыыстыканан, бу ыйытыктартан 67 бырыһыанын эр дьон, 33 бырыһыанын дьахталлар ыыталлара бэлиэтэммит. Ордук элбэх ыйытык социальнай өйөбүл хайысхатынан, ону тэҥэ Анал байыаннай дьайыыны уонна экэниэмиэкэ балаһыанньатын кытта ситимнээхтэр. Ыйытыктары ордук төлөпүөнүнэн бу нүөмэринэн 8-800-200-40-4 быһа тахсан биэрэллэрин ыйбыттар.
Арассыыйа Бэрэсидьиэнэ Владимир Путин сыл ахсын ахсынньы ыйга үгэс курдук быһа лииньийэҕэ тахсан хас да чаас устата атах тэпсэн олорор киэҥ кэпсэтии ыытар. Дьон-сэргэ, норуот, сонуннары киэҥник тарҕатар сириэстибэлэр да бу бэлиэ түгэни сыллата эрэнэ кэтэһэр, күүтэр даҕаны.
Кириэмил пресс-сулууспата иһитиннэрбитинэн, быйылгы сыллааҕы түмүктэри таһаарар быһа лииньийэ улахан пресс-кэмпириэнсийэни кытта бииргэ ахсынньы 19 күнүгэр ыытыллыаҕа.
Ыйытыктары ылыы, хомуйуу асхынньы 4 күнүттэн саҕаламмыта уонна быһа эпиир түмүктэниэр диэри ыытыллыаҕа. Быһа эпиир бырагырааматынан «ГигаЧат» туһаныллыаҕа. Бу сыһыарыы киирэр ыйытыктары наардааһыҥҥа туттуллар. Ыйытыктары хас да ньыманан ыытыаххытын сөп. Ол курдук: – «МАХ» мессенджерынан max.ru|moskvaputinu нөҥүө – «ВКонтакте» , «Одноклассники»– vk.com|moskvaputinu.ru уонна ok.ru| moskvaputinu.ru нөҥүө – 8-800-200-40-40 төлөпүөнүнэн–СМС- эбэтэр ММС-иһитиннэриини 0-40-40 нүөмэр нөҥүө.
«Ахсынньы 19 күнүгэр, Москва бириэмэтинэн күнүс 12:00 чааска (олохтоох бириэмэнэн киэһэ 18:00 чаастан), «Владимир Путины кытта сыл түмүктэрэ» диэн бырагыраама быһа эпииргэ тахсыаҕа. Дойду Бэрэсидьиэнэ ааһан эрэр сыл түмүктэрин таһаарыа, ону тэҥэ суруналыыстар уонна дойдубут олохтоохторун ыйытыыларыгар хоруйдуоҕа», — диэн официальнай иһитиннэриигэ этиллэр.
Санаттахха, 2024 сылга быһа эпиир 4 аҥаар чаастан ордук барбыта, бу кэм устатыгар Бэрэсидьиэн 76 ыйытыкка хоруй биэрбитэ.
Хаартыска: РИА-Новости
-
0
-
0
-
0
-
0
-
0
-
0
