Саха Сирэ космос бырайыактарыгар бэйэтин оҥоһуктарынан бу бастакы кыттыыта буолар. Бырайыагы Саха Өрөспүүбүлүкэтин Билим аччыгый акадаемиятын (Малая Академия наук) уонна "Сириус" үөрэх Киинин иитиллээччилэрин хамаандата олоххо киллэрдэ: Андрей Петров, Анатолий Антонов, Тимур Илларионов, Олег Петров уонна Артём Мардин. «Чолбон» сир аргыһа - космоска бэйэтэ туспа көтө сылдьар кыра аппарат буолар. Микроконтроллердардаах уонна бэйэтигэр эрэ анаан оҥоһуллубут датчиктардаах.
Билигин Саха Сирин үөрэнээччилэрэ, устудьуоннара бу сир аргыһыгар бэйэлэрэ оҥорбут бырагыраамаларын киллэрэн, космос усулуобуйатыгар ураты эспэримиэннэри ыытыахтарын сөп диэн бэлиэтииллэр. "Чолбон" көмөтүнэн сир үрдүн барытын үөрэтиэххэ сөп.
"Чолбон" көтүүтэ ССРС Наукаларын академиятын Саха Сиринээҕи комплекснай эспэдииссийэтэ тэриллибитэ 100 сылыгар ананна уонна Билим аччыгый акадаемиятын, "АЛРОСА", "Роснефть" хампаанньалар, Саха Сирин кэлэр көлүөнэлэрин Анал пуондатын көмөтүнэн олоххо киллэрилиннэ.
Хаартыскалар: ИТАР-ТАСС
-
3
-
0
-
0
-
0
-
0
-
0
