Сайын Мамаев кургаҥҥа Сталинград куораты көмүскэспит саха саллааттарыгар өйдөбүнньүк обелиск туруордулар, Новгородскай уобалас мемориалыгар 1589 буойун аатын сурукка киллэрдилэр. Ахсынньы 17 күнүгэр Смоленскай уобалас Гагарин куоратыгар пааматынньык дьэндэйдэ. Кэлэр сылга маннык өйдөбүнньүктэри Калужскай, Ростовскай уобаласка, Донецкай норуодунай өрөспүүбүлүкэҕэ, Беларуська туруоруохтара. Кыайыы күнүн көрсө Дьокуускай куоракка Сэбиэскэй Сойуус бастакы дьоруойугар Федор Поповка анаммыт пааматынньык кэнэҕэс көлүөнэҕэ өлбөөдүйбэт өйдөбүнньүк буолуоҕа.
Кинилэр хорсун быһыыларын Анал байыаннай дьайыы кыттыылаахтара салҕыыллар, Аҕа дойдуну көмүскээччи сылыгар Саха Сириттэн өссө үс чаҕылхай буойуҥҥа Арассыыйа дьоруойун аатын иҥэрдилэр: Андрей Григорьевка –Тутаҕа, Алексей Петровка уонна Петр Киприяновка бу дойдуттан барбытын кэннэ. Кини аатын кэриэстээн чуумпуран бар дьон сүһүөхтэригэр турдулар.
Ол кэнниттэн Ил Дархан инники кирбиигэ сылдьар буойуннарга, кинилэр дьиэ кэргэттэригэр туох көмө оҥоһулларын, квадрокоптеры, тырааныспары тиһигин быспакка ыыта туралларын, Арассыыйа састаабыгар киирбит саҥа эрэгийиэннэри чөлүгэр түһэрэргэ туох үлэ ыытылларын туһунан эттэ.
Василий Кононов хаартыскаҕа түһэриитэ.
-
0
-
0
-
1
-
0
-
0
-
0
