2 - Педагогическай билим дуоктара, бэрэпиэссэр, Саха Сирин хомсомуолун бириэмийэтин лауреата Елизавета Афанасьевна Барахсанова (1956)  70 сааһа.Т

3 - Тыйаатыр уонна киинэ артыыһа, Арассыыйа Федерациятын уонна Саха Өрөспүүбүлүкэтин кинематографистарын сойууһун чилиэнэ Маргарита Михайловна Борисова (1956) 70 сааһа.

4- Быраас-фтизиатр, мэдиссиинэ билимин дуоктара, СӨ суруйааччыларын сойууһун чилиэнэ, СӨ мэдиссиинэҕэ судаарыстыбаннай бириэмийэ лауреата Валериан Парфеньевич Николаев (1951) 75 сааһа.

7 - Бэйиэт, Саха Өрөспүүбүлүкэтин суруйааччыларын сойууһун чилиэнэ Василий Иванович Босяк (1946-2008) төрөөбүтэ 80 сыла.

11 - Саха Өрөспүүбүлүкэтин судаарыстыбаннай уонна уопсастыбаннай диэйэтэлэ Матвей Васильевич Мучин (1941) 85 сааһа.

13- Саха Өрөспүүбүлүкэтигэр төрөөбүт тыл уонна сурук-бичик күнэ.

13 - Суруйааччы, прозаик, ССРС суруйааччыларын сойууһун чилиэнэ (1989), СӨ судаарыстыбаннай бириэмийэтин лауреата Василий Наазарович Егоров - Тумарча (1936) 90 сааһа.

15 - Атын итэҕэллээх туора урдуустары сүрэхтээһин туһунан ыраахтааҕы ыйааҕа тахсыбыта (1681) 345 сыла.

16 - Тиэхиньиичэскэй билим хандьыдаата, бэрэпиэссэр, СӨ үтүөлээх геолога Рево Миронович Скрябин (1936) 90 сааһа.

17 - Физика-математика билимин хандьыдаата, бэрэпиэссэр Иван Егорович Егоров(1951) 75 сааһа.

18 - Ньурбаҕа бастакы хомсомуол ячейкатын тэрийсибит, кырасдааныскай сэрии кыттыылааҕа, «Бочуот знага» уордьанынан иккитэ наҕараадаламмыт Николай Иванович Нюрбинцев (1901-1984) төрөөбүтэ 125 сыла.

19 - Бэйиэт, ССРС суруйааччыларын сойууһун чилиэнэ (1934) Федор Григорьевич Винокуров - Даадар (1911-1949) төрөөбүтэ 115 сыла.

22 - Саха Өрөспүүбүлүкэтигэр Национальнай доруобуйа күнэ.

23 - Нерюнгритааҕы улахан чох разреһыгар хостооһун (1976) саҕаламмыта 50 сыла.

23 - Дьокуускайдааҕы национальнай байыаннай оскуола аһыллыбыта (1926) 100 сыла.

27 -   «Эдэр большевик» - «Молодой большевик» хаһыат бастакы нүөмэрэ тахсыбыта (1921) 105 сыла.

Туһанылынна nlrs.ru/online2/141984?fromOpenPage

Хомуйан оҥордо Матвеев А.Ф.

Хаартыска эрэдээксийэ архыыбыттан