Маастар-былаан тыа сиригэр эмиэ киирэн эрэр. 2025 с. Хаандыга, Бэрдьигэстээх бөһүөлэктэрин, Мэҥэ Хаҥалас улууһун Сыымах нэһилиэгин маастар-былааннара торумнанна. Инньэ гынан, барыта 24 нэһилиэнньэлээх пуун маастар-былаана оҥоһулунна.
Халлааҥҥа харбыаласпыт хайалары, таастар быыстарынан күрүлгэн уута кутулларын көрөөрү элбэх турист Хаандыга диэки барар. Оттон Алдан өрүс кэрэ көстүүтэ аһыллар саҥа набережнай тутулуннаҕына дьон тохтоон, сынньанан, хаартыскаҕа түһэн ааһар сиригэр кубулуйуо. Дизайн-бырайыак оҥоһуллуутугар олохтоохтор баҕа санааларын учуоттаатылар. "Алаас" архитектурнай бюро салайааччыта Геннадий Попов этэринэн, набережнайга фонтаннаах аһаҕас былаһаакка, подиум, көрөөччүлэр олорор сирдэрэ, кафе, хачыал, скейт-успуорт былаһаакката, хойуу мастарынан хаймыыламмыт аллея о.д.а. баар буолуоҕа. Өрүс кытылын үс салааҕа арааран оҥоруохтара.
Хаартыска: СИА, Хаандыга набережнайын дизайн-бырайыага, "Алаас" архитектурнай бюро.
-
0
-
0
-
0
-
0
-
0
-
0
