Дьокуускай куорат дьону аралдьытар, итиэннэ итирдэр утаҕы атыылыыр 213 тэрилтэлэриттэн Росгвардия суһал кнопкатынан 83 эрэ эбийиэк хааччыллыбыт.
Саамай элбэх буруйу оҥоруу, чуолаан киһини эчэтии, уоруу «Number One», «Тан», “Сунгари”, «Ремикс», «Новый Пекин» түүҥҥү кулуупка тахсара бэлиэтэммит.
Аны иннилэрин-кэннилэрин кыайан быһаарбат буолуохтарыгар диэри арыгыны испит, наркотиктан туймаарбыт, токсическай итириигэ киирбит 459 киһини, онтон 58 дьахтары «Тирэх» социальнай адаптация киинигэр тиэрдибиттэр.
Итиниэхэ олоҕуран, ИДьМ үлэһиттэрэ испиирдээх утаҕы атыылыыр атыы-эргиэн эбийиэктэрин аҕыйатарга, чуолаан үөрэх кыһаларын таһыгар уонна түүҥҥү кулууптары, бардары түүн 1 чааска диэри үлэлэтэргэ, түүннэри хаһан сарсыарда буолуор диэри ньиргиччи үлэлии туралларын бопсорго Ил Түмэҥҥэ ыытыллыбыт бырабыыталыстыба чааһыгар этии киллэрдилэр. Ол эбэтэр итирэн баран буруйу оҥоруу үксүн түүн тахсар. Ону таһынан, түүҥҥү кулууптар анал харабылынан, бэрээдэги араҥаччылааччылары ыҥырарга Росгвардия суһал кнопкатынан, видеонан кэтээн көрүүнэн хааччыллыахтарын наадата этилиннэ.
Василий Кононов, ааптар хаартыскаҕа түһэриитэ.
-
1
-
0
-
0
-
0
-
0
-
0
