ИДьМ аатыттан Семен Ефремов былдьаммыт бородууксуйаны опечаткалаан баран эппиэтинэстээх харыйыыга туттаралларын туһунан иһитиннэрдэ, оттон ыстараабы хомуйуу кээмэйэ кыратын полицияҕа аҕалыллыбыт дьон төлүүр кыаҕа суоҕунан быһаарда.
Сардаана Павлова, “Арассыыйа тирэҕэ” эрэгийиэннээҕи салаатын салайааччыта арыгы атыытын хааччахтыыр сокуон кимиэхэ туһаны аҕаларый? – диэн ыйытта. Иһэр киһи син биир булан иһэр. Бу сокуон тахсыбытын кэнниттэн «Ремикс», «Алмаз», «Шанс», «Больше-меньше» хампаанньа үп-харчы өртүнэн барыыһырдылар. Билигин «Якутия» ФАПК сабыллан эрэр, онтон да атын урбаанньыттар ити хааччахтааһынтан сылтаан сабылыннылар диэтэ.
Биллэн турар, бу сокуон, бастатан туран, улахан алкомаркеттарга табыгастааҕын бэлиэтээтилэр. Дойду атын эрэгийиэннэригэр кыраадыстаах утах анал атыы-эргиэн эбийиэктэригэр, чуолаан алкомаркеттарга эрэ атыыланыахтаах диэн хааччахтааһын суох. Онон олохтоох сокуон төһө көдьүүстээхтик үлэлиирин, урбаанньыттарга хайдах дьайарын өссө үөрэтэн, ырытан көрүөхтэрэ.
Эрэдээксийэ хаартыската.
-
0
-
0
-
0
-
0
-
0
-
0
