Холобура, бу күннэргэ парламент дьокутааттара Сергей Сивцев Дьааҥы улуустарынан, Елена Голомарева уонна Александр Сусоев Булуҥҥа, Тихон Скрябин Хаҥаласка, Иван Луцкан Эбээн Бытантайынан, Дьааҥынан, Георгий Балакшин Ньурбаҕа уо.д.а норуот итэҕэллээхтэрэ бэйэлэрин уокуруктарынан сылдьаллар.
Иван Луцкан Дьааҥы Арыылааҕар
Елена Голомарева уонна Александр Сусоев Булуҥ Тиксиитигэр көрсүһүү кэмигэр
Александр Сусоев Булуҥ Найбатыгар
Георгий Балакшин Ньурба улууһугар
ххх
Ол курдук, Ил Түмэн олохтоох салайыныыга сис кэмитиэтин бэрэссэдээтэлэ Владимир Прокопьев бу нэдиэлэҕэ Ньурба улууһун олохтоохторугар ааспыт сыллааҕы үлэтин отчуотун билиһиннэрдэ.
Дьаархааҥҥа буолбут көрсүһүүгэ уот тарыыбын тула кэпсэтии таҕыста. Владимир Михайлович бу боппуруоска үлэлэһэ сылдьарын быһыытынан сиһилии электро уот иһин төлөбүр механизмын быһааран биэрдэ. Кини салгыы кыһыҥҥы ыйдарга 1 диапазону 10000 кВт диэри үрдэтэргэ үлэлэһэ сылдьабыт диэтэ.
Малдьаҕар олохтооҕо Энергосбыт үлэтин туһунан боппуруоһугар Владимир Прокопьев кулун тутар 20 күнүгэр Ньурбаҕа Бүлүү бөлөх улуустарын бэрэстэбиитэллэрэ, Якутскэнерго, Энергосбыт, Госкомцен үлэһиттэрэ кыттыылаах Ил Түмэн бүддьүөт кэмитиэтин көһө сылдьар улахан мунньаҕа ыытыллыахтааҕын туһунан иһитиннэрдэ. Онно дьону долгутар тарыып, диапазон боппуруостара көрүллүөхтэрэ, санааҕытын этинээриҥ диэн ыҥырда.
Отчуоттуур бөлөх үлэтэ улуус хоту эҥээринээҕи Хорула нэһилиэгэр салҕанна. Бэйэни салайыныы сокуона ханна тиийдэ диэн ыйытыыга Владимир Михайлович кылгастык, өйдөнүмтүө гына быһааран биэрдэ уонна сыл устата чопчуланыаҕын иһитиннэрдэ.
Хаартыскалар Огнинюрбы.рф, Маяк Арктики.рф, Иван Луцкан ТГ ханаалыттан
-
4
-
0
-
0
-
0
-
0
-
0
