Бу күннэргэ Анал байыаннай дьайыыга сорудаҕы толорор чаастарга «Якт-Сокол» квадроцикллар уонна «Хотой» бэйэтэ көтөр аппарааттар туттарылыннылар.
Утарыта киирсиигэ олус наадалаах сэрии сэбиргэллэринэн хааччыйыы РФ Бэрэсидьиэнэ Владимир Путин сорудаҕынан тэриллибит «Патриотическая» ТОР федеральнай бырагырааматын олоххо киллэрии чэрчитинэн ыытылларын санатыахха сөп. Байыаннай дьайыыны өйүүр үлэни эрэгийиэн баһылыга Айсен Николаев салайар «Кыайыыга бииргэ!» өрөспүүбүлүкэтээҕи хамыыһыйата сүрүннүүр. Фроҥҥа көмө быһыытынан инники күөҥҥэ 2025 сыл иһигэр эрэ сүүһүнэн тырааныспар, тыһыынчанан квадрокоптер, генератор, сибээс тэриллэрэ уонна да атын наадалаах маллар тиэрдиллибиттэрэ.
Ол туһунан: “Өрөспүүбүлүкэ бары муниципальнай оройуоннарыгар Саха Сирин байыаннай сулууспалаахтарыгар анаан гуманитарнай баһыылкалары, тырааныспары, тиэхиньикэни уонна ас-үөл набордарын хомуйуу салҕанар», —диэн ааспыт брифиҥҥэ СӨ Кырасдааныскай оборуонаҕа уонна нэһилиэнньэ олоҕун куттал суох буолуутун хааччыйыыга миниистирин солбуйааччы Яна Наумова иһитиннэрдэ.
ххх
Анал байыаннай дьайыыттан эргиллэр буойуннар эйэлээх олоххо сөптөөх миэстэни ылыахтаахтар. Бу бэлиитикэ биир холобурунан Арассыыйа Дьоруойа Николай Соболев буолар, кини Саха сирин Ил Дарханын каадырдары бэлэмнээһини сүрүннүүргэ көмөлөһөөччүтүнэн ананна. Бу туһунан «Саха» НКИК «Быһа кэпсэтии» биэрии эпииригэр СӨ Ил Дархана Айсен Николаев: «Биһиги өрөспүүбүлүкэбит сайдан иһэр экэниэмикэтигэр, бүтүн дойду экэниэмикэтигэр каадырдары бэлэмнээһин бастакы суолталаах соругунан буолар. Технологиялар уларыйаллар, хайа-хостуур бырамыысыланнастан саҕалаан тыа хаһаайыстыбатыгар тиийэ бары салааларга сыыппаралааһын, оҥоһуу өй, араас пилота суох көтөр тиһиктэр көхтөөхтүк туттуллалларын көрөбүт, оробуочай идэлэргэ ирдэбил үрдүүр уонна каадырдары бэлэмнээһин систиэмэтэ уларыйар. Манна биһиги дойдубут бу хамсааһынтан туора туран хаалар бырааба суох», — диэтэ.
ххх
Саха Сирин байыастарын дьиэ кэргэттэрин кэмитиэтин улуустардааҕы салаалара бу күннэргэ Анал байыаннай дьайыы байыастарыгар Аҕа дойдуну көмүскээччи күнүн көрсө бэлэхтэри ыыттылар.
«Кэмитиэт актыбыыстара кылгас кэм иһигэр байыастарбытыгар анаан баһыылканы тэрийиигэ ылсыбытынан барбыттара. Манна тактическай браслеттары, наскылары, бэрчээккилэри ыыттыбыт», - диэн кэмитиэт салайааччытын солбуйааччы Саргылаана Неустроева иһитиннэрдэ.
Хаартыскалар Саха гов.ру, Якутия.ру
-
1
-
0
-
0
-
0
-
0
-
0
