Бэрээдэги араҥаччылыыр уорганнарга үлэһит тиийбэтэ сытыытык турар. Саха Өрөспүүбүлүкэтин ис дьыалаҕа миниистирин солбуйааччы э.т. Юрий Тищенко Ил Түмэҥҥэ ыытыллыбыт бырабыыталыстыба чааһыгар полицияҕа үлэһит тиийбэт буолан, юридическай үөрэххэ үөрэнэр устудьуоннары кытта көрсүһүүлэри тэрийэллэрин, үлэ дьаарбаҥкатыгар кытталларын, сонуннары киэҥ эйгэҕэ тарҕатар ситим нөҥүө ыҥырыы таһааралларын, аармыйаттан демобилизацияламмыт дьону үлэҕэ ылалларын туһунан кэпсээтэ. Ол да буоллар, учаскуобай, сэлиэдэбэтэл, холуобунай ирдэбилгэ, ППС-ка о.д.а салааларга үлэһит син биир тиийбэт.
Бэрээдэги араҥаччылыыр уорганнарга үлэһит тиийбэтэ сытыытык турар. Саха Өрөспүүбүлүкэтин ис дьыалаҕа миниистирин солбуйааччы э.т. Юрий Тищенко Ил Түмэҥҥэ ыытыллыбыт бырабыыталыстыба чааһыгар полицияҕа үлэһит тиийбэт буолан, юридическай үөрэххэ үөрэнэр устудьуоннары кытта көрсүһүүлэри тэрийэллэрин, үлэ дьаарбаҥкатыгар кытталларын, сонуннары киэҥ эйгэҕэ тарҕатар ситим нөҥүө ыҥырыы таһааралларын, аармыйаттан демобилизацияламмыт дьону үлэҕэ ылалларын туһунан кэпсээтэ. Ол да буоллар, учаскуобай, сэлиэдэбэтэл, холуобунай ирдэбилгэ, ППС-ка о.д.а салааларга үлэһит син биир тиийбэт.
Юрий Тищенко этэринэн, 2024 сылтан бэттэх полицияҕа үлэҕэ киирэргэ мэдиссиинискэй хамыыһыйаны ааһар болдьох кылгатыллыбыт, ирдэбил кыччаабыт, ол эрээри, былырыын 100 киһи ону кыайан ааспатах.
Кини иһитиннэриитин истэн баран норуот дьокутааттара «Земскэй полицейскай» бырагыраама киириэн сөбүн бэлиэтээтилэр. «Земскэй полицейскай» диэн бырагыраама күн бүгүн суох, арай, Аартыка улуустарыгар үлэлии барар сэлиэдэбэтэллэргэ 1 мөл. солк. биэрэр туһунан кэпсэтии тахса сылдьыбыт да, кыайан быһаарыллыбакка хаалбыт.
Алквиад Тарасов полицияҕа саҥа үлэҕэ киирбит үлэһит төһө хамнаһы ыларын туһунан ыйыппытыгар, хамнас ким ханнык дуоһунастааҕыттан, төһө өр үлэлээбититтэн тутулуктааҕын, саҥа кэлбит үрдүк үөрэхтээх аппысыар 60-70 тыһыынча, рядовой 40 тыһыынча солкуобай хамнаһы ылар диэтилэр.
Норуот дьокутааттара полицияҕа хамнас кыра буолан үлэһит тиийбэтин, эдэр дьон дьоһун хамнаһы ыларын ситиһэр наадатын эттилэр.
Василий Кононов хаартыскаҕа түһэриитэ.
0
0
0
0
0
0
