Уопсастыбаҕа дойдуга бэриниилээх буолуу тыынын иитии, Анал байыаннай дьайыы кыттыылаахтарын, дьиэ кэргэттэрин өйөөһүн, кинилэр олорор усулуобуйаларын тупсарыы үлэтэ быйыл эмиэ салҕанан барар.
Өрөспүүбүлүкэҕэ Анал байыаннай дьайыы кыттыылаахтарыгар, кинилэр дьиэ кэргэттэригэр социальнай өҥөлөрү уонна чэпчэтиилэри киллэрэн туран, уопсайа 44 эрэгийиэннээҕи уонна тоҕус муниципальнай дьаһал толоруллар.
Саха Сиригэр олорор байыаннай сулууспалаахтар төрөппүттэригэр (эпэкииннэригэр) үс сылга биирдэ (мунньар бырааба суох) санаторийга эмтэнэр путевка сыанатын кээмэйинэн, ити эрээри 60 тыһыынча солкуобайы куоһарбат кээмэйинэн харчынан төлөбүр оҥоһуллар.
2022 сылтан 2025 сылга диэри санаторийга-куруорка анал байыаннай дьайыы кыттыылааҕын 860 төрөппүтэ 49,4 мөл. солкуобай суумаҕа эмтэннэ.
Анал байыаннай дьайыыга кыттыбыт буойуттар уонна кинилэр дьиэ кэргэттэрин социальнай-психологическай өттүнэн чөлүгэр түһэрии Дьокуускай, Нерюнгри куоракка, Өлүөхүмэ уонна Ньурба улууһун реабилитациялыыр кииннэрин баазатыгар оҥоһуллар. Ону тэҥэ Амма, Өлөөн уонна Орто Халыма улуустарыгар нэһилиэнньэ социальнай харалтатын кэлим кииннэрин нөҥүө ыытыллар.
2026 сыл тохсунньу 1 күнүнээҕи туругунан чөлгө түһэрэр өҥө Анал байыаннай дьайыы уопсайа 2 658 кыттыылааҕар уонна кинилэр дьиэ кэргэттэрин чилиэннэригэр оҥоһулунна.
Анал байыаннай дьайыы кэмигэр нэһилиэнньэҕэ уйулҕа өттүнэн өйөбүлү оҥоруу тиһигин быспакка ыытыллар. Биирдиилээн киһиэхэ уонна бөлөх көрүҥүнэн 56 тыһыынча көмө оҥоһулунна. Ити тэрээһиҥҥэ анал байыаннай дьайыы 42 тыһыынча кыттыылааҕа, кинилэр аймахтара, чугас дьонноро, ону тэҥэ өйүүр уорганнар үлэһиттэрэ хабылыннылар. 2025 сыл 11 ыйыгар 13 433 киһини хабан 17 510 өҥө оҥоһулунна. Психологтар биригээдэлэрэ Ростов-на-Дону куоракка баар байыаннай госпитальга сытар байыаннай сулууспалаахтарга уйулҕа өттүнэн көмөнү оҥорор сыаллаах 35 сырыыны толордо.
Хаартыска: Ил Түмэн байыаннай сулууспалаахтарга, байыаннай дьайыы бэтэрээннэригэр, дойдуга бэриниилээх буолууга иитии уонна уопсастыбаннай түмсүүлэр боппуруостарыгар сис кэмитиэт архыыбыттан.
-
1
-
0
-
0
-
0
-
0
-
0
