Анал байыаннай дьайыыттан бааһыран, эчэйэн кэлбит дьону Дьокуускай куоракка Мэдиссиинискэй чөлгө түһэрии уонна успуорт мэдиссиинэтин өрөспүүбүлүкэтээҕи киинигэр, 1 №-дээх өрөспүүбүлүкэтээҕи балыыһаҕа – Мэдиссиинэ национальнай киинигэр уонна Аллараа Бэстээх бөһүөлэгэр Абалаахха эмтииллэр.
Ону таһынан, ыарахан бааһырыыны ылбыт уонна эчэйбит бойобуой дьайыы бэтэрээннэрин чөлүгэр түһэрэргэ Москуба уобалаһыгар М.Е. Николаев аатынан «Бэс Чагда» сонотуоруйга стационар аһыллан үлэлиир.
2025 сылга сонотуоруйга 561 киһи эмтэннэ, ол иһигэр 143 Анал байыаннай дьайыы кыттыылааҕа, 82 кинилэр кэргэннэрэ, ону тэҥэ олохторун толук уурбут буойуннар дьиэ кэргэттэрин 336 чилиэннэригэр сонотуоруйга-куруорка эмтэнии тэрилиннэ.
Анал байыаннай дьайыы кыттыылаахтарын дьиэ кэргэттэригэр өрөспүүбүлүкэ үөрэҕин тэрилтэлэрин уйулҕа үлэһитэ идэлээх педагогтара психологическай көмөнү оҥороллор.
Үүнэр көлүөнэни Аҕа дойдуга бэриниилээх буолуу тыыныгар иитэргэ оскуолаларга Анал байыаннай дьайыыга хорсун быһыыны, эр санааны, дьоруойдуу быһыыны көрдөрбүт буойуннар анал уруоктары ыыталлар. Маннык уруоктарынан 139 672 үөрэнээччи хабылынна, оскуола оҕолорун кытта Анал байыаннай дьайыы 289 кыттыылааҕа көрүстэ. Ол түмүгэр патриотическай тыыҥҥа иитэр тэрээһиннэринэн хабыллыбыт ыччат ахсаана 2,3 төгүл улаатта.
Хаартыска: «#МЫВМЕСТЕ».РФ
-
0
-
0
-
0
-
0
-
0
-
0
