Дьокуускай куоракка 2026 с. кулун тутар ый туругунан суолга 179 видеокамера баар. ГИБДД видеокамералара суоппардар суол быраабылатын төһө тутуһалларын, эбэтэр кэһэллэрин төгүрүк суукка кэтээн көрөллөр.
Суол быраабылатын кэһиини бэлиэтиир тэрил көмөтүнэн 2025 с. 569 мөл. солк. суумалаах 530 379 административнай быраабы кэһии бэлиэтэммит. Онтон 418 мөл. солк. ирдэһэн ылбыттар. 25% чэпчэтиилээх 86 мөл. солк. ыстараап төлөммүт. Ол туһунан СӨ Ис дьыалаҕа миниистирин солбуйааччытын э.т. Юрий Тищенко иһитиннэрбитэ.
Санатан эттэххэ, хобуоччу көмөтүнэн кэлбит ыстараапкын 10 күн иһигэр уһаппакка төлөөтөххүнэ, төлөбүрэ арыый чэпчэки буолар.
Хаартыска: СӨ ИДьМ Госавтоинспекцияҕа управлениета.
-
0
-
0
-
0
-
0
-
0
-
0
