Биллэрин курдук Иван Луцкан билигин өрөспүүбүлүкэтээҕи офтальмологическай килииничэскэй балыыһа кылаабынай бырааһынан үлэлиир, норуот дьокутаата, СӨ ИДьМ иһинэн Уопсастыбаннай сэбиэт салайааччытынан талыллыбыта, билиилээх уопсастыбанньык.
— «Биир ньыгыл Арассыыйа» баартыйа барыллаан куоластааһыныгар кыттар быһаарыныы миэхэ толкуйдаммыт хардыы этэ. Мин идэбинэн быраас буолабын. Бэйэм идэбин талан ыларбар быраас дьоҥҥо көмөлөһөр аналлааҕын чуолкайдык өйдүүрүм. Дьоҥҥо көмөлөһүү – сүрүн сорук буоларыгар эрэнэбин. Онон үлэбэр да, сокуону оҥорууга да, уопсастыбаннай үлэҕэ да мэлдьи олохтоохторбут интэриэстэригэр тирэҕирэбин, биир дойдулаахтарбар туһаны аҕалар быһаарыылары ылынарга кыһаллабын, — диэн Иван Луцкан бэлиэтээтэ.
Бу иннинэ баартыйа барыллаан куоластааһыныгар кыттарын туһунан СӨ ыччат дьыалатыгар уонна уонна социальнай алтыһыыга миниистирэ Петр Шамаев биллэрэн докумуоннарын туттарбытын санатыахха сөп.
Докумуоннары саайтка PG.ER.RU онлайн туттарыахха сөп, оттон докумуон оригиналын «Биир ньыгыл Арассыыйа» баартыйа эрэгийиэннээҕи ситэриилээх кэмитиэтигэр: Дьокуускай к., Аммосов уул, 18, каб. 401 (4-с этээс). Хандьыдааттар муус устар 30 күнүгэр диэри турунуохтарын сөп. Оттон муус устар 20 күнүттэн быыбардааччылар эрэгэстэрээссийэлэрэ саҕаланыаҕа. Хандьыдааттарга куоластааһын ыам ыйын 25-31 күннэригэр ыытыллыаҕа.
-
0
-
0
-
0
-
0
-
0
-
0
