1.Рецессия. Бииринэн, үлэтэ суох буолуу биэнсийэ фондатыгар үп киирэрин мөлтөтөр. Атын өттүттэн дьон дохуота суох буолан, биэнсийэҕэ уурунууларын туттарга күһэллэллэр. Холобур, АХШ-гар дьон ортотунан 5500 дуоллары устубуттар. Австралияҕа от ыйын 7 күнүгэр диэри 25 млрд дуоллары “ыраастаабыттар”. 2. Баан бырыһыана. Кэлиҥҥи 12 сылга онто суох намыһах бэйэтэ аан дойду үрдүнэн бүрүүкээбит дьаҥы утары харантыынтан сылтаан өссө түстэ. Онон биэнсийэлээхтэр дохуоттарын болҕомтолоохтук кэтээн көрөллөрө эрэйиллэр. Оттон туһааннаах менеджердэр уһун болдьохтоох эбэһээтэлэстибэлэри салайалларыгар айымньылаахтык сыһыаннаһыах кэриҥнээхтэр. Тоҕо диэтэххэ, дьон уурунуутун түргэнник барыыр куттала баар. 3. Судаарыстыба иэһэ. Пандемиянан сиэттэрэн экономиканы өйөөһүн олус тоҕоостоох дьаһал буолар эрээри, судаарыстыбалар таһыччы улахан иэскэ ыйаналларыгар тириэртэ. Онон инникитин сокуону оҥорооччулар биэнсийэлээхтэри кыһарыйбат туһуттан судургута суох быһаарыныыны ылынарга күһэллиэхтэрэ. 4. Килиимэт уларыйыыта. Тулалыыр эйгэ уларыйыыта сааһырбыт дьон доруобуйаларыгар уонна уйгулаахтык олороллоругар сабыдыаллыан сөп. Айылҕа иэдээнин содулугар дьиэ-уот алдьанан, олох-дьаһах айгыраан, биэнсийэлээхтэр чараас сиэптэрин тэбиирэ чуолкай. 5. Дохуот арыттаһыыта. Социальнай сиэрдээх буолуу иһин хамсааһын дохуот арыттаһыытыгар болҕомтону күүһүртэ. Омугуттан, дьахтарыттан-эр киһититтэн тутулуга суох, саастарын тухары намыһах хамнаска сылдьыбыт дьон уурунуу, дохуот өттүнэн лаппа хаалалларыгар тириэрдэрэ ханна баҕарар баар чахчы.
-
0
-
0
-
0
-
0
-
0
-
0
