Арай быһыллыбыт килиэп быыһыттан биири хостоон ылбытым, ала чуо миэхэ ойоҕоһугар туох эрэ хара сыста сылдьар түбэстэ, арааһа, хоруордубуттар диэн ону быһан ылан быраҕаары соруммутум, олох даҕаны хоруо буолбатах. Чугаһатан көрбүтүм уп-улахан төлөһүйэ топпут таракаан килиэп быыһыгар киирэн иһэн хатан хаалбыт, кэнники атахтара адаарыйа сылдьаллар. Бачча сааһым тухары биирдэ даҕаны килиэптэн таракааны була илик киһи соһуйдум, сонньуйдум аҕай.
Бука диэн сэрэйдэххэ, таракааннаах килиэби атыыга ыытар дьон ас астыыр сыахтарыгар иһиттэрин, кири-хоҕу тута сууйбаттар, бөҕү, ас тобоҕун мунньаллар, ол иһин таракаан мустар, итиччэ уойуор диэри улаатар.
Амматааҕы килиэби астыыр кэмбинээт үлэһиттэрэ бачча улахан таракаан килиэпкэ хатана сылдьарын аахайбакка, улахаҥҥа уурбакка атыыга ыыталлара дьикти. Сыахтарыгар санитарнай нуорманы тутуһалларын, хайдах усулуобуйаҕа аһы астыылларын ким билэр? Онон, күндү ааҕааччылар, тугу атыылаһаргытын көрөн баран ылар буолуҥ.
Ааптар хаартыскаҕа түһэриитэ.
-
0
-
0
-
0
-
1
-
0
-
2
