Ааспыт сылга араас кыһалҕалаах дьонтон 2474 үҥсүү киирбит, 2024 с. кытта тэҥнээтэххэ, бырааптарын күөмчүлэтэн, көмө көрдөөн кэлбит дьон ахсаана 9,6% эбиллибит. Үҥсүү уопсай ахсааныттан боломуочунайга тус бэйэтигэр 1524, онтон муниципальнай тэрээһиннэргэ үлэлиир уопсастыбаннай көмөлөһөөччүлэригэр 950 үҥсүү киирбитэ бэлиэтэнэр. Саамай элбэх үҥсүү Дьокуускай куораттан, бырамыысыланнай улуустартан киирбит, гендернэй састаабын көрдөххө, ордук элбэхтик дьахталлар үҥсүһэллэр.
2025 с. киирбит үҥсүүлэр тиэмэлэрин арыйдахха, дьон үксэ байыаннай сулууспа, Анал байыаннай дьайыы, дьиэ-уот, үлэ, дьиэ кэргэн быраабын кэһии, социальнай көмүскэл уонна биэнсийэ боппуруостарыгар, доруобуйа харыстабылыгар, мэдиссиинэ көмөтүн оҥорууга, суут бириигэбэрин кытта сөбүлэспэккэ бырааптарын көмүскэтээри кэлэллэр.
Үлэ боппуруостарыгар араас өйдөспөт түгэн тахсан, былырыын 54 киһи көмө көрдөөн боломуочунайга тахсыбыт. Дьон үксэ олоҕо суох уураттахтарына, хамнас ааҕыллыытыгар, үлэһит ахсаанын сарбыйыы кэнниттэн хамнаһы төлөттөрөөрү кэлэллэр. Бу хайысхатынан 8 киһи үҥсүүтүнэн кырдьыгы булбуттар.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
