Быйыл эмиэ ол үгэһинэн мырааҥҥа тиийбиппит арай төгүрүк былаһаакка, икки киһи олорор улахан хачыала, ыскамыайкалар кэчигирэспиттэр уонна лыҥкынас тыастаах куолакаллаах чосуобунньа ыраахтан маҥхайан көстөр.
Чосуобунньаҕа Дьокуускайдааҕы уонна Ленскэйдээҕи архиепископ Роман сырдык тыыны иҥэрбит, ону таһынан, Ил Дархан Айсен Николаев өйөбүлүнэн өрөспүүбүлүкэ судаарыстыбаннаһын күнүгэр уонна Саха Сирин офтальмологическай сулууспатын 100 сылыгар харах балыыһатын кылаабынай бырааһа, Ил Түмэн дьокутаата Иван Луцкан көҕүлээһининэн тутуу ыытыллыбыт.
Харах балыыһатын идэлээх сойууһа бу ытык сири тупсарыыга, дьон сынньанарыгар тупсаҕай усулуобуйаны тэрийэргэ үлэлэспит. Манна XX үйэ саҥатыгар чосуобунньа турбут эбит, ону сөргүппүттэр.
«Доруобуйалара чөлүгэр түһэрин туһугар көрдөһөр дьоҥҥо Айыы Тойон Таҥара көмөлөс», — диэн чосуобунньа эркинигэр суруктаах. Чосуобунньаны сибэтиэй эмтээччилэри чиэстээн, 2025 с. балаҕан ыйын 30 күнүгэр туруорбуттар.
Ааптар хаартыскаҕа түһэриитэ.
-
0
-
0
-
0
-
0
-
0
-
0
